[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Ginago ang pangluthang sang mga pulis
MASAKIT ining natabo sadtong Disyembre 29 sa Mandaluyong City sa isa ka natiruhan nga pasyente kag isa pa, nga nasal-an nga sakay sang getaway car sang wala napabutyag nga mga suspected gunmen.
Ginkilala ang duha nga napatay nga sanday Jonalyn Ambaan kag Jomar Hayawon, nga lunsay taga-Iloilo – sunu sa report sang isa ka lokal nga radyo. Napilasan kag na-ospital naman ang duha pa sa pitu nga nag-upod sa pasyente nga lulan sa isa ka puti nga Misubishi Adventure van nga dalhon tani sa ospital.
Ginlagas ining ila salakyan sang mga nakasakay man nga mga tanod sang Mandaluyong, upod sang mga pulis, kag ginpaulanan ini sang bala sa dalanon sa pagpati nila nga ang nakasakay diri ang suspected gunmen.
Sa matuod gali, ang napaarakan nila amo ang salakyan nga lulan sang natiruhan nga pasyente upod sang nagbulig dala sa iya sa ospital. Mga 36 ka empty shells ang nakit-an sa eksena.
Ining wala pakundangan nga pagluthang sa mga biktima gapadumdum sa aton sa natabo sa Baleleng Gang, isa sang mga ginakurugan nga hold-up gang sadtong 2013.
Napamatud-an sang mga imbestigador sa Baleleng Massacre nga ang natabo sa Quezon City indi shootout kundi ambush nga nagpatay sang lulan sang ila salakyan nga nagalakip sang isa ka jueteng lord upod ang tatlo ka pulis, duha ka airmen kag duha ka intelligence agents, nga ginpanginwala naman sang military, sang naglikis ini sa checkpoint.
Liwan galing ang mga biktima. Sa kaso sang Baleleng Massacre, ang mga biktima suspected nga jueteng lord kag iya kaugyon nga mga otoridad. Sa kaso sa Mandaluyong, ang mga biktima inosente nga mga tawo.
Samtang indi shootout ang Baleleng Massacre, ang “mistaken identity” killing sa Mandaluyong daw biktima man sang ambush sa kadamuon sang bala nga nausik sa ila.
May nanginwala sang kasal-anan sa Baleleng Massacre tungod kuno isa ato ka shootout, samtang sang magpuas ang aso sang pulbura wala sing nakit-an nga enkwentro halin sa mga biktima.
Sa ining pagpaulan sing bala sa Mandaluyong, maathag ang kasaypanan sang mga pulis kag mga tanod.
“I find no excuse (for) this unfortunate event that has caused the death of two individuals and the wounding of two others,” siling gani ni Manila police chief Oscar Albayade.
“We are not hiding anything here. We are not discounting the fact that there is the possibility that there may have been overkill or violation of our POP (police operating procedure),” dugang ni Albayalde.
-0-0-0-
Ano gid ayhan ang rason sang wala pagpa-sin-o sa mga nakasakay sa Mitsubishi bag-o sila ginpaulanan sang bala?
Kon wala gilayon mag-pondo ang Mitsubishi kay ginalagas ang kabuhi sang pasyente, indi man rason nga palukpan sila samtang wala man nagpakita nga mabato sila. Ang matuod gani, wala sila sing inugbato kay ang ila plano amo lang ang mag-salbar sang kabuhi sang pasyente.
Ang isa ka report gani nagsiling nga sang nagpahuway ang linupok may nagsinggit pa gani halin sa Mitsubishi nga ang ila dala pasyente, ugaling liwat sila ginpaarakan sang mga bala.
Indi ta maintiendihan ang ginhimo sang 10 ka pulis kag duha ka tanod nga nagpalupok sang ila luthang sa van.
Indi man ini tungod sa animal instinct. Ang mga sapat may pag-ulikid man sa ila kapareho. Bisan ang mapintas nga mga lion may pag-respeto sa ila kasubong. Kon may hiligut-anon sila, masami posturing lang anay bag-o mag-away, sa diin ginapabay-an na lang ang manalaw kag malagyo.
Kon tungod ini sa military ukon police training, daw wala man sing matarong nga training nga basta gasiling nga patyon mo dayon ang isa ka kaaway. Bisan gani sa aktuwal nga gyera, ginapa-surrender anay ang kontra. Kon mag-antyas siya sa pagbato nga may armas amo na ang pagluthang sa iya. Indi kay paarakan dayon bisan wala ka pa ka-seguro kon sin-o ang imo tumod kontrahon.
Kon inid gid man hungod, ining ginhimo sang mga tanod kag mga pulis, ginago ini ya. Kon indi gid man, ara ina sa training nga ginahimo robot ang aton mga soldado kag mga pulis nga ga-akto without thinking, nga indi puede sa soysedad sang tuod-tuod nga mga tawo!/PB
[/av_textblock]
[/av_one_full]
