[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Ang Maayo nga Makawat’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=’custom’ color=”]
Thursday, April 13, 2017
[/av_textblock]
[av_image src=’http://www.panaynews.net/wp-content/uploads/2017/03/Matt.jpg’ attachment=’101293′ attachment_size=’full’ align=’center’ styling=” hover=” link=” target=” caption=” font_size=” appearance=” overlay_opacity=’0.4′ overlay_color=’#000000′ overlay_text_color=’#ffffff’ animation=’no-animation’][/av_image]
[av_textblock size=” font_color=” color=”]
KON may maayo nga ejemplo nga puede naton sundon sa aton pangabuhi isa na dira ang “Maayo nga Makawat” nga upod sa isa pa ka makawat ginpakabit man sa krus (crucified) upod kay Hesukristo sa bukid sang Kalbaryo.
Katulad ni Kristo, ginlansang man sa krus and duha ka makawat, nga ginasuporta sang gapos para indi mahulog katulad sa nakaugalian sang mga Romano himuon sadto kon ginasilutan ang isa ka ginapatihan nga kriminal paagi sa pagpakabit sa krus.
Si Kristo ginbawian sang kabuhi pagkatapos sang iya balaan nga pinamulong sa krus, lakip sang iya panugyan kay Dismas, ang Maayo nga Makawat, samtang wala siya nagsapak sa pang-yamuhat sang isa ka makawat nga si Gestas. Ini natabu tanan sang Biyernes Santo (Good Friday).
Indi pareho matuod ang panimuot sang duha ka makawat samtang gahulat sang ila kamatayon sa krus. Si Dismas, ang Maayo nga Makawat, nagkilala kay Kristo nga iya Manunubos kag nagsiling sing matunog: “Ginuo, indi ako pagkalimti kon yara ka na sa imo kaharian!” Sinabat siya ni Kristo sang: “Matuman ini sunu sa imo ginapangayo, kag ginapasalig ko ikaw nga sa sining adlaw mismo makaupod mo na ako sa Paraiso.”
Samtang, si Gestas ginyamuhat pa si Kristo sa pahayag sini kay Dismas, kag nagsiling nga nagapang-yubit: “Kon ikaw ang Diyos, luwasa ang imo kaugalingon lakip na kami!” Wala siya ginsapak ni Kristo.
Tungod sining pagpasalig ni Kristo kay Dismas, nga i-upod siya sini sa Paraiso, ang pagpati naton sini nga mismo si Dismas nangin isa ka santos. Ugaling wala ini opisyal nga ginakilala sang Simbahan Katolika kag bisan sang iban pa nga grupo Kristiyano, katulad sang mga “Coptic Christians” nga nagaluntad sa karon sa Egypt kag sa Middle East.
Masubo ini nga hitabu kay sang sini lang, duha ka simbahan sang mga “Coptic Christians” ginbombahan sang mga “Islamic terrorists.” Beinte-uno ang napatay kag mga 79 ang napilasan.
Tani, kon na-deklarar nga santos si Dismas may ara kita nga San Dismas, nga magahatag ejemplo sa pagbag-o sang mga makawat. Daku tani nga bulig ini sa pagpatadlong sang ila batasan nga makahuluya kag makahalalit sa iban.
Ugaling, daw wala sang makauyon nga magkilala sang makawat nga santos, labi na gid kay wala si Dismas makapakita sang pagbag-o sa buhat luas sa paghinulsol sa krus kag pagyaub kay Kristo.
Kon indi gid man hayag, puede man seguro bisan sa sekreto. Man, kinahanglan gid si San Dismas sang mga makawat sa gobyerno agud talikdan na ang ila pagpalitug sang kwarta sang mga pumuluyo.
Samtang, gaduging gihapon ang mga makawat sa aton sosyedad bisan pa sa panahon nga ini sang Semana Santa. Daw indi gani kapahuway ang mga pulis ta sa pagbantay sing ila hulag.
SAMTANG man, ginasaulog ta man ang Huwebes Santo kon san-o ginhiwat ang katapusan nga panyapon ni Kristo upod sa 12 niya nga mga gintutun-an paagi sa tradisyon nga Visita Iglesia sa bisan pitu lang ka simbahan.
Sa pagpadungog ini sa sakramento sang Eucaristika sang ginpatuman ni Kristo ang paghalad sang tinapay kag vino bilang padumdum sang pag-antus niya, lawas kag dugo, sa krus.
Sa mga imol, indi man kinahanglan nga magkadto sa malayo para sa Visita Iglesia. Diri mismo sa mga lokal nga mga simbahan puede ini mahimu ninyo./PB
[/av_textblock]
[/av_one_full]
