[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt (dengue) – Dec. 5′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wencslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Opinyon sang isa ka doktor
parti sa dengue vaccine
SANG sini lang, pagkatapos gin-aprubahan sang Deparment of Health ang paggamit sang Dengvaxia dengue vaccine sadtong Abril 2015, kag ang pagpatuman sini sadtong Nobyembe 2016, nakibot ang bisan aton health authorities sa pagkahibalo nga may peligro gali ang paggamit sini.
Ini nga peligro ginpahayag mismo sang Sanofi Pasteur, ang manufacturer sa Pransya sang Dengvaxia, sadtong nagligad lang nga semana.
Sus a, ngaa subong lang sila nagpahibalo sini? Ukon basi gin-remind lang sini ang aton mga health authorities sang nahibal-an na nila sadto pa apang nag-risgo gid sila?
Ang Sanofi nagpahayag nga indi dapat ihatag ini sa mga may edad siyam tubtub 45 nga wala pa nakaagi sing dengue.
Tungod kuno ini sa posible nga “acute reaction” sang sining vaccine, nga makapalubha pa sang kahimtangan sang nabakunahan kon indi maagapan.
Kon na-shock man ang bag-o nga pamunuan sang DOH, nga sa subong ginapanguluhan ni Dr. Francisco Duque III, ina sa una lang nga kahigayunan ugaling.
Ginpasalig niya nga may ginapatigayon na karon nga “strict surveillance and monitoring” sa nabakunahan nga mga kabataan – mga 700,000 na – sa mga lugar sa diin madata ang dengue, labi na gid sa National Capital Region, Region 3 kag sa Region 4A.
Ini nga pagpasalig sang DOH, nakabulig pagpahagan-hagan sa kakulba sang mga ginikanan sa sini nga mga lugar.
Sunu sa DOH, sa “worst case” posible lang iguon sining “acute reaction” ang mga 10 porsyento lang nga kabataan, samtang may panghanda man nga measure ang DOH agud matapna ini.
In fact, wala pa sing na-monitor ang DOH sang bisan ano nga “acute reaction” sa bisan sin-o nga nabakunahan na.
-0-0-0-
Ano gid bala ang pagtan-aw sang mga health experts parti sa sining Dengvaxia?
Sunu kay Dr. Alex Harding sang primary care track of Internal Medicine sa Massachussets General Hospital, ang Dengvaxia una ini na-license nga vaccine kontra dengue virus.
Na-aprubahan na gani ini sang 11 ka pungsod sa diin endemic, ukon duna nga nagaluntad, ang dengue sa sining mga pungsod.
Sa karon, tatlo na ka pungsod ang nag-aprubar sa paggamit sini. Una ang Pilipinas sadtong Abril 2015. Ang Mexico kag Brazil ginbalita nga nag-aprubar man sini sadtong Disyembre 2015.
Ginsuguran ang paghatag sining bakuna sa Pilipinas sadtong Nobyembre 2016 nga ginatarget and isa ka milyon ka kabataan. Tubtub sa pag-suspendir sang DOH sang pagbakuna sang Dengvaxia, mga 700,000 na ka kabataan ang nabakunahan.
Sunu kay Dr. Harding, wala ang Dengvaxia ginhatag sa mga bata may edad 2-5 ka tuig tungod sang “seven-fold higher risk” nga makaangkon sila sang “severe dengue infection” nga naga-kinahanglan pa sang “hospitalization”.
Tinudlo ni Dr. Harding ang isa ka Cesar Mascareñas nga amo ang nagapanguna sa project dengue sa Sanofi, nga amo man ang nagkilala sang daku nga risgo sa may edad 2-5 ka tuig.
Amo gani nga ginplano kuno sang Sanofi ihatag ini sa may edad siyam ka tuig pataas (tubtub 45) pagkatapos nga nangin madinalag-on ang ila clinical trials sa may siyam ka tuig.
Sunu ugaling kay Dr. Harding, ang mga kabataan nga siyam ka tuig pataas, kag wala pa kaagi dengue, posible nga maka-eksperyensya gihapon sang mabug-at nga dengue infection tungod sang pagka-agresibo sang dengue virus nga gina-indyeskyon sa kabataan labi na gid ang may mahina sing pangontra.
Gintantya man ni Dr Harding ang efficacy rate sang Dengvaxia sa 60 porsyento lamang. #
[/av_textblock]
[/av_one_full]
