[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt (Kristo) – Dec. 23′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Masubo nga Paskwa sa kontra partido
GINADUMDUM sang bug-os nga Katilingban Kristiyano ang pagkabun-ag ni Jesukristo, ang aton Manunubos, nga natuon sa Disyembre 25 sa pagpati sang sobra isa ka bilyon nga Katoliko sa bug-os nga kalibutan.
Ginbun-ag sa lungib upod sa nagapasilong nga mga hayop sang tiayon Jose kag Maria, larawan ining pagkatawo ni Jesukristo sang lubos nga pagpa-ubos sang Ginoo.
Sa lugar nga ipabando niya ang wala tupong Niya nga gahum sa bug-os nga kalibutan, ginpalabi Niya nga mag-abot sa kalibutan sa kubos nga kahimtangan upod sa mga imol kag mga pigos nga sadto ginagamhan sang gapa-diyos-diyos nga panguluhan sang Impiryo Romano.
Sang nagapanudlo na Siya, nag-upod si Hesukristo sa mga labing kubos kag mga pigos kay, siling Niya, ini sila ang labing nagakinahanglan sang pagtatap kag pag-atipan sang Diyos. Kag, “kon sin-o man ang nagaulikid sa ila pareho lang nga ginahimo nila ini sa Diyos.”
Ginpaseguro man Niya nga “indi lang sa tinapay nagakabuhi ang tawo, kundi sa tag-sa ka pulong sang Diyos.”
Tungod sini, ang Paskwa, nga nagasaulog sang pagka-bun-ag ni Jesukristo, dapat ipatungod naton indi lang sa pag-angkon kag pag-share sang aton bugay materyal kundi sa pagbalik, nga mas importante, sang aton kalagnon nga kaangtanan sa Diyos.
-0-0-0-
Sa bahin sang mga pulitiko, dapat ang grasya nga i-share nila sa mga pumuluyo wala sing pagpasulabi. Indi lang kay para lang sa ila mga sumulunod kag ka-partido sa pulitika.
Sang sini lang, naggwa ang balita nga wala pag-painan sang Administrasyon sang budget ang mga konresista kag senador nga yara sa kontra partido, nga kon pensaron naton importante ini sila agud maghatag sing kahulugan sa aton Demokrasya.
Dulaon ang kontra partido kag pag-kritikar sa Aministrasyon, kag yara na kita sa isa ka pagginahum diktaturya nga ginadiktahan sa aton tanan nga panghuna-huna kag pagginawi sang mga yara sa gahum. Indi ini dapat matabo!
Ang pagsulong sang diktaturya – labi na gid kon wala na sang hilway nga panghuna-huna (free expression) kag ang nagagahum indi na ang Kasuguan kundi ang luyag lang sang pila nga yara sa gahum – indi maka-Diyos kag pagginahum ini nga halin sa sugyot ni Satanas, ang masupog nga kaaway sang Diyos nga aton Manunuga kag mapalanggaon nga Amay sa Langit.
Sa ginsiling man gani Niya, nagkari siya sa kalibutan agud luwason ang katawhan sa kalautan sang pagpakasala, samtang ginapasalig Niya ang himaya sang iya palaabuton nga kaharian.
Tani itugot sang Diyos nga ang magagahum sa aton amo gihapon ang maki-Demokrasya nga pagsulundan kag pangabuhi, nga nagapaseguro sang Kahilwayan kag maki-Diyos nga gahum sang pumuluyo kag indi kay kon sin-o lang nga diktador. #
[/av_textblock]
[/av_one_full]
