[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Mga manggaran todo suporta gihapon kay Digong, kamusta ya ang mga imol?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao E. “Matt” Mateo Jr.
[/av_heading]
[av_textblock size=” font_color=’custom’ color=”]
Saturday, April 8, 2017
[/av_textblock]
[av_image src=’http://www.panaynews.net/wp-content/uploads/2017/03/Matt.jpg’ attachment=’101293′ attachment_size=’full’ align=’center’ styling=” hover=” link=” target=” caption=” font_size=” appearance=” overlay_opacity=’0.4′ overlay_color=’#000000′ overlay_text_color=’#ffffff’ animation=’no-animation’][/av_image]
[av_textblock size=” font_color=” color=”]
ANG panalawsaw (survey) sang Pulse Asia sa una nga quarter sang tuig 2017 – Enero, Pebrero kag Marso – nagapakita sang pag-us-us sang pagsalig (trust) kag binuhatan (performance) ni Presidente Duterte.
Ang ining ulihi nga survey, kumpara sa nagligad nga quarter tubtub Disyembre 2016, gapahayag sang pagnubo sang Trust Rating ni Presidente halin 83% panaog sa 78%. Ang iya Performance Rating nag-ariya man sa 76% halin sa 83%.
Indi ini katingalahan, siling ugaling sang mga researchers, tungod sa masami amo gid man ang nagakatabu sa bag-o pungko nga pangulo. Mahamut siya kaayo sa una nga binulan kag amat-amat siya ma-us-us sa mga masunod nga mga binulan.
Bisan sa sining pagnubo sang rating ni Presidente, wala nagakatublag gihapon ang mga manggaran kay mataas man ini gihapon, sunu man sa mga researchers.
In fact, ang police statistics nagasiling nga daku na ang pagnubo sang mga insidente sa krimen katulad sang robbery, carnapping, kidnapping kag bukas-kotse nga masami naga-biktima sang mga manggaranon. Nagnubo man ang iban nga krimen, sa kabug-usan.
Sa pihak nga bahin, ang mga researchers nagasiling nga lain ang epekto sining pagnubo sang Trust kag Performance rating sang Presidente sa mga imol.
Ang survey, nga ginhimu sa personal nga mga interbyu sang mga 1,200 ka respondents, nagsiling nga nagdugang ang kakulba sang mga imol sa nagakatabu nga dakpanay kag pamatay sa mga suspek sa ilegal nga droga.
Ina tungod pati ang mga inosente nga mga himata daw ginagapos man sang sige bantay sang mga pulis sa ila panghulag kag sige pangita parti sa ila himata nga daw sila man suspek sa ilegal nga droga.
Ini nga mga hitabu nagpadugang panubo sang ila pagsalig sa Presidente nga mapalinong man ang ila pangabuhi, siling gani sang mga researchers.
Ang mga imol nga respondents nagpahayag man sang kakulangan sang pagsuporta sang Presidente sa kawsa sang ila pangabuhi. Gintudlo nila ang kakulangan sang trabaho, wala sing ma-istaran, ang nagapadayon nga demolition kag kakulangan sa madamo gihapon nga mga serbisyo publiko.
Gintudlo man nila ang ila kakulba sa paghalin sang mga call centers kag iban nga kompaniya sang mga pangayaw nga pungsod nga nagahatag trabahu sa mga imol diri sa Pilipinas. Naga-paandam man sing dugang nga problema ang pagsaka sang bili sang petrolyo nga naga-apekto sa halos tanan nga pagginawi sang mga tawo. Gina-kurdam sila sa posible pagtaas sang tanan nga balaklon nga wala man gataas ang ila kita.
Tungod sining padayon nga problema sang mga imol sa pangabuhi, indi ini dapat maghatag kalipay kay Presidente Digong. Mangin wala sing kapuslanan ang kalinong sang mga manggaranon kon amat-amaton man ini ut-uton sang problema sang mga imol.
Natandaan ta pa nga sang gin-deklarar ni Marcos ang martial law, ang daku gid nga rason nga nagtulod sa kinagamu amo ang problema sang mga imol sa pangabuhi – trabaho, puluy-an, hustisya sa mga kubos kag mga serbisyo pang-kabug-usan. Samtang, sige naman ang hakot sang manggad sang mga manggaranon na nga daan kag sang mga poderoso sa sosyedad.
Kon mabulong ang problema sang mga imol sa pangabuhi, segurado naton nga bisan ang ilegal nga droga indi na kinahanglan dangpan sang mga pigado, nga madamo sa ila wala na sing makita nga pangitan-an kundi ang maghimu sang ilegal.
Sa ginpamatud-an na sang mga rebolusyon sa Rusya, Tsina, Pransya, Vietnam, kag iban pa nga pungsod, wala sing manggad kag poder nga makapugong sa gutom kag inhustisya agud ang imol mag-alsa sa isa ka maduguon nga rebolusyon./PB
[/av_textblock]
[/av_one_full]
