[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Mga pamangkot sa Smart Meter’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=’custom’ color=”]
Tuesday, April 18, 2017
[/av_textblock]
[av_textblock size=” font_color=” color=”]
ANG Panay Electric Company (PECO) nagpahayag sang sini lang nga isa lang ang solusyon sa nagapadayon nga reklamo sang mga kunsumidor batok sa “overbilling,” ukon mataas nga “reading” sang ila metro sa kuryente.
Ini amo ang pag-ilis sang ila dumaan nga mga metro sa pinaka-moderno sa karon – ang Smart Meter, nga amat-amat na ginapatuman sa iban nga lugar, katulad sang Estados Unidos kag sa European Union. Sa pila ka lugar sa Estados Unidos, may nakapatakud na gani sang Smart Meter.
Sunu kay Mikel Afzelius, nga ehekutibo sang PECO, madamo nga benepisyo ang makuha sang mga kunsumidor sa paggamit sang Smart Meter. Mas “accurate” kuno, ukon mas masaligan ang “reading” sini ikumparar sa dumaan nga metro sang PECO nga mekanikal.
Wala man kuno kinahanglan sang “meter reader” ang Smart Meter kay “automatic” ini nga nagabasa sang dalagan sang kuryente nga dayon ginapasa sa mga computer sa central office sang PECO. Tungod sini, malikawan ang “human error” sa pag-“reading” kay wala na kinahanglan sang mga “meter reader.”
May mga reklamo man ugaling kontra sa paggamit sining Smart Meter, katulad sa pagpati sang iban nga nagapataas ini sang ila balayran sa kuryente tungod sang ka-sensitibo sini.
Indi man naluyagan sang mga kunsumidor nga indi na sila maka-“reading” kay himuon na gid lang ini sang Smart Meter derecho sa computer sang PECO. Kag tungod “digitized” ini, puede ini kuno ma-“hack,” ukon masaskuhan sa computer paagi sa pagliwat sang “calibration,” ukon standard nga takos.
Nahadlok man gani ang iban nga basi mabuyagyag ang ila “privacy.” Por ejemplo, makahuluya kon mahibaluan sa Smart Meter nga kadugay ang paandar mo sang bentilador sa CR, kay basi isipon sang iban nga nagapakig-away ka sa indi mo mapagwa bisan pa imo ibun-a. He-he-he!
Ang survey ugaling nagapakita nga mas madamo nga mga pumuluyo ang naluyag sini sa Estados Unidos kag sa EU. Sa EU, ginahanda na gani sang ila gobyerno nga ipatuman ini sang lubos sa 2020.
Ang PECO nagpahayag gani sang sini lang nga sugdan na nila ang pag-angot sang mga 1,000 sining mga Smart Meter sa mga lugar nga mataas ang boltahe halin sa City Proper pakadto sa Calumpang sa Molo. Sa bug-os nga siyudad, mga 5,000 ka Smart Meter kuno ang kinahanglan diri.
Angot sini, may mga pila ka mga pamangkot kita. Una nga pamangkot, syempre: Ngaa nga islan gid sang Smart Meter ang mga dumaan nga metro kay daw pila man lang ang gareklamo? In fact, may ara man gani report sang “overbilling” sa Smart Meter sa pila ka lugar sa Estados Unidos nga nagpatakud na sang Smart Meter.
Ika-duha: Sin-o ang mabayad sa pagpatakud sini? Kon ang kunsumidor pa, wala gid seguro magsugot kay dugang pa nga gastos ini para sa ila.
Ika-tatlo: Kay ang PECO gid lang ang maka-“reading” sa ila upisina, paano mabal-an sang kunsumidor ang insakto ang “reading” sa ila bahin nga wala ginamatu-matuhan lang sang PECO? Sa mekanikal nga metro nga ginagamit subong, puede ma-check sang kunsumidor ang “reading” bisan lang sa praktikal nga paagi, katulad sang paghibalo kon sobra ang “billing” base sa “normal” ukon kinaandan nga “reading” kada bulan.
Ika-apat: Ano ang mabulig sang PECO sa madamu nga “meter reader” nga mawad-an ubra?
Ika-lima: Ti, ano ya mahimo sang PECO sa mga reklamo na nga daan sa “overbilling” sang PECO?
Sang sini lang, nagpasar ang City Council sang resolution nga nagapanawagan sang “congressional hearing” sa mga reklamo sang mga kunsumidor, labi na gid parti sa “overbilling.” Sugot man sini si Mayor Jed Patrick Mabilog. Bisan gani ang PECO nagpasugot, tungod kuno “transparent” man ang PECO.
Kon matigayon ining “congressional hearing,” segurado kita nga mas madamo pa nga mga pamangkot ang sabton kag athagon sang PECO kag sang mga independiente nga mga experto sa problema. Ano man ya ang masiling sang Department of Energy?/PB
[/av_textblock]
[/av_one_full]
