[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ Panugdaon ni Matt | Ngaa napierde sa botohay si Lopez?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Saturday, May 6, 2017
[/av_textblock]
[av_textblock size=” font_color=” color=”]
ANG final nga pag-botohay sang Mayo 2 sang Commission on Appointments (CA) sa kumpirmasyon ni Gina Lopez nagpakita sang mapait nga kalutusan kay Lopez, nga nagpakakas na sa iya bilang DENR Secretary.
Ang boto nagdangat sa 15-9 kontra kay Lopez sang 24 ka myembro sang CA. Ang tsirman kag ika-25 ka myembro sang CA nga si Senate President Aquilino Pimentel III wala nagboto. Sunu sa pagsulundan sang CA, ang tsirman maboto lang kon may patas sa pagbotohay sang 24 ka myembro. Wala man mapaathag ni Pimentel ang iya personal nga sentimiento.
Ang nagboto kontra kay Lopez nagsiling nga “indi siya preparado” kag “kulang siya sa kwalipikasyon.” Wala kita sina nagapati.
Ang kwalipikasyon ni Lopez sa pag-amlig sa palibot (environment) nakilala na indi lang diri sa pungsod kundi sa bug-os nga kalibutan nga naghatag sa iya sang nagakalain-lain nga pagpasidungog. Ini nga isyu wala lang ugaling gintagaan bug-at sang mga nagboto kontra kay Lopez.
Sa aton pagtan-aw, ang kumpirmasyon ni Lopez napierde tungod istrikto siya kaayo – “authoritarian,” siling pa gani ni Senador Panfilo Lacson – labi na gid sang ginpasara niya ang madamo nga minahan.
Nahadlok man seguro ang mga nagapanag-iya sang mga minahan sa iya pampubliko nga tindug. “We don’t need mining (Indi naton kinahanglan ang minahan)!” siling niya, nga nagpakulba gid sa mga tag-iya sang minahan.
Sa iya malip-ut nga pagpanguna sa Department of Environment and Natural Resources (DENR) ginpasara ni Lopez and 22 ka minahan, gin-suspender ang 4, kag nagpagwa sang show-cause nga mga order sa 77 ka minahan pa.
Well, kinahanglan ta man ang “mining.” Ang indi ta mauyunan amo ang dalamha nga pag-mina nga naga-abuso na sa kaayuhan sang environment kag sa mga pumuluyo mismo, labi na gid sang dalagku nga mga minahan.
Ang Pilipnas naga-producir sang gold, nickel, copper kag chromite nga ginagamit indi lang sa Pilipinas kundi sang iban pa nga mga nasyon sa madamo nga kinahanglanon. Ang pinakadaku gani nga deposito sang copper kag gold sa kalibutan yari sa Pilipinas. May mga $840 billion nga balor sang manggad sa mina ang aton pungsod, sunu pa sa Geosciences Bureau sadong 2012.
Sa matuod ugaling, kinahanglan gid naton ang istrikto nga pagpalakat sang minahan tungod sa daku nga halit sini indi lang sa aton kabukiran, kundi sa mga pamuluyo mismo sa ila ikaayong lawas kag bisan sa mga baybayon sa diin ginaula ang makahalalit nga basura nga nagapatay sang kabuhian sa kadagatan.
Daku man ang kontribusyon sang minahan sa pagpalala sang climate change paagi sa global warming. Ginakahangaw-an karon ang sige pagsingkal sang init sang kalibutan. Ginahadlukan gani sang mga siyentipiko nga basi magtaas pa gid ang init sa sobra 2 centigrado, nga sa karon nagadulot na sa aton sang madamo nga kalamidad katulad sang sobra nga pagbaha, masaku nga pag-linog, kag pagluntad sang mga super typhoon.
Gani, sugot kita sa panugyan ni Lopez nga ang maayo seguro nga si Presidente Rodrigo Duterte na lang ang mamuno sang DENR.
Kinahanglan sa DENR ang respetado kaayo nga pamunuan, nga ang Presidente lang makahatag. Tan-awon ta abi kon mamalabag pa ining mga minahan sa pagsunod sang kasuguan sa “responsible mining” nga daw wala na sila sang may ginapasin-o.
Sa report sang GMA, ang masunod amo ang resulta sang botohay sa kumpirmasyon ni Lopez bilang DENR Secretary:
Sa Senado: KONTRA sa kumpirmasyon ni Lopez – Alan Cayetano, Gringo Honasan, Miguel Zubiri kag Panfilo Lacson. PABOR – Franklin Drilon, Francisco Pangilinan, Bam Aquino, JV Ejercito, Loren Legarda, Manny Pacquiao, Rafael Recto kag Vicente Sotto.
Sa House of Representatives: KONTRA – Abraham Bambol Tolentino, AntonioFloirendo, Benhur Salimbangon, Jerry Treñas, Joel Mayo Z. Almario, Josephine Y Ramirez Sato, Julieta Cortuna, Rodolfo Albano III, Ronaldo Zamora, Roy M Loyola, Wes Gachalian. PABOR – Sandy Ocampo. Una siya nalista sa kontra. Ugaling, gin-deny niya ini kag nagsiling nga sa matuod nagboto siya pabor kay Lopez./PB
[/av_textblock]
[/av_one_full]
