[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Okey sa Senado ang martial law’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Thusday, June 1, 2017
[/av_textblock]
[av_textblock size=” font_color=” color=”]
NANINDUGAN na ang Senado sang ila pagsuporta sa deklarasyon ni Presidente Rodrigo Duterte sang martial law sa bug-os nga Mindanao nga gin-deklarar sini sadtong Mayo 23.
Ginpasar sang mga senador 17-5 ang Resolution 388 sadtong Mayo 30 nga nagapahayag sang ila suporta sa sining deklarasyon ni Presidente Duterte.
Ang Manubo nga Panalgan (House of Representatives) ugaling nagsiling nga wala na kinahanglan ang resolusyon kay wala man sing may nagapamalabag.
Sunu sa 1987 Constitution, ang martial law puede i-deklarar nga indi maglapaw sa 60 ka adlaw, apang puede padugayon ukon palip-uton sang Kongreso.
Sa botohay sa Senate Res. 388, namalibad ang minority bloc (Senador Franklin Drilon, Kiko Pangilinan, Bam Aquino, Riza Hontiveros kag Antonio Trillanes IV) sa pag-upod sa sining resolusyon.
Nagsiling sila nga wala sila ga-upod sa Senate Res. 388 tungod wala sila gapati nga santu ini sa kinahanglanon nga aksyon, ukon “proportionate response,” ang pagdeklarar sang martial law.
In other words, indi sila kumpormi sa pagdeklarar sang martial law sa bug-os gid nga Mindanao. Nadumduman nila seguro nga sadto nagdeklarar man sang martial law si Presidente Gloria Arroyo apang sa probinsya lang sang Maguindanao.
Sa masunod nga hulag sang Senado mismo sadtong Mayo 30, nagpanawagan ang pila ka senador nga maghiwat sang joint congressional session, nga nagalakip sang Manubo nga Panalgan kag Senado, agud tun-an sing maid-id ang pag-deklarar sang martial law.
Nagproponer man sila sang Joint Res. 390 agud tun-an sing maayo ang pagpatuman sang suspension sang writ of habeas corpus, nga nagapahanugot sang dakpanay bisan wala warrant. Nagdaug 12-9 ang namalabag sa sining joint resolution.
Ang 12 nga nagboto kontra sa Joint Resolution 390 amo sanday Senador Aquilino Pimentel III, Tito Sotto, Panfilo Lacson, Manny Pacquiao, EdgardoAngara, Nancy Binay, JV Ejercito, Loren Legarda, Cynthia Villar, Richard Gordon, Gregorio Honasan kag Juan Miguel Zubiri.
Sugot naman sa joint resolution ang siyam nga sanday Senador Franklin Drilon, Kiko Pangilinan, Riza Hontiveros, Bam Aquino, Antonio Trillanes IV, Francis Escudero, Sherwin Gatchalian, Grace Poe kag Ralph Recto.
Madamo ang nagpakalain sa mga senador nga namalabag sa Joint Resolution 390 agud tun-an gid sang bug-os nga Kongreso ang pag-deklarar kag pagpatuman sang martial law sa Mindanao.
Siling nila indi dapat nga pamalabagan nila ang martial law kay kinahanglan gid ini para mapunggan ang padayon nga kalainan sang mga terrorista nga Maute Group kag sang ila mga kaupdanan.
Daw wala man nagapugong sang martial law ang oposisyon. Base sa ila panindugan, indi lang sila luyag palaparon ang martial law kon indi man ini kinahanglanon.
In fact, indi man makapugong ang minoriya sa pagpaluntad sang martial law nga gin-deklarar ni Presidente Duterte. Na-deklarar na ni Presidente ang martial law kag yara sa iya likud ang daku nga mayoriya sang Kongreso.
Ginatuman lang seguro sang oposisyon ang ila katungdanan sa aton demokrasya agud pangapinan ang mga pumuluyo sunu man sa ila pagtan-aw sang sitwasyon.
Kon ako ang magtan-aw, pabor pa gani ang ining pagkwestyon sang minoriya sa martial law kay nagapamatuod ini nga buhi ang demokrasya kag indi matuod nga diktador si Duterte.
Sa isa ka bahin, may kinamatarong man seguro ang oposisyon sa ila panindugan sa Joint Res. 390. Gintudlo ni Senador Hontiveros ang Article VII, Section 18 sang Constitution.
Nagasiling ini nga ang Kongreso puede maka-revocar ukon magdula sang deklarasyon sang martial law “voting jointly by a vote of at least a majority of all its members in regular or special session.”/PB
[/av_textblock]
[/av_one_full]
