[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt | Problema sa serbisyo publiko nga centralized’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Saturday, May 20, 2017
[/av_textblock]
[av_textblock size=” font_color=” color=”]
MADALI makita sang mga kliyente sang isa ka negosyo ukon serbisyo publiko, katulad sang iya sang gobyerno, ang mga disbentaha sang isa ka centralized nga pagdumalahan, nga ginapatuman halin halos tanan sa ibabaw.
Ini nga disbentaha madali makita sa mga dalagku nga organisasyon nga naga-kinahanglan sang madamo nga tinawo kag madamo man nga mga katungdan, sa diin malawig ang lakat sang mga transaksyon kag madamo ang mga kamot ang ginaagyan.
Tungod malawig ang lakat sang transaksyon, nga ginapakuri pa gid sang madamo nga mga kamot nga ginaagyan, natural lang nga madugay matigayon ang kinahanglan sang kliyente.
Gani, kon may pilian lang, madulaan sang mga kliyente ang ini nga organisasyon nga centralized kon may masayluhan lang sila nga iban sa diin mahulas kag madasig ang pagpatigayon sang ila kinahanglanon. Ugaling, kon wala, ti maantus na gid lang ang ining mga kliyente.
In fact, ang ining problema sang centralized nga pagdumalahan na-eksperyensya man gani sang madamo sa aton.
Katulad na lang sa problema sang isa ka kliyente sang isa ka kompaniya sa telepono diri sa siyudad.
Pila na ka beses nga nagbisyo ang telepono sang sining kliyente. Kag tungod centralized ang pagpadalagan sang transaksyon diri, sa lugar nga itawag niya ang problema sa lokal nga upisina, indi niya ini mahimo kay ang directory nagahatag lamang sang mga telepono nga nabase sa central office sa Metro Manila.
Ang central office manawag pa sa lokal nga upisina agud ipaabot ang ining lokal nga problema sang kliyente. Ang lokal nga upisina naman ma-contact pa sa ila contractor agud aktuhan ang problema nga kon kis-a makuri man maghulag.
Diri mismo, makita na naton ang delay sa serbisyo. Ang delay yara man sa inyo pag-sugilanon sa operator sang central office nga mamangkot pa sang madamo nga indi na tani niya himuon kon direkta lang siya ga-sugilanon sa lokal nga upisina.
Kis-a, ma-problema ka pa gid kon indi ka maka-contact sa central office, nga natabo sa sining kliyente. Tungod malayo ang ila balay sa lokal nga upisina kag tungod sa sobra nga init sang adlaw, sige lang siya gatawag sa central office samtang wala naman sang may nagasabat.
Na-obligar ang kliyente kag nagkadto na gid lang sa lokal nga upisina. Tatlo ka adlaw despues pa ang ila problema bag-o siya nakakadto sa lokal ngas upisina. Gin-post ang iya reklamo sadtong aktwal nga pag-reklamo kag indi sadtong tatlo ka adlaw nga nagligad. Meaning, na ang yadtong tatlo ka adlaw nga puede pa tani ma-menos sa iya balayran. Wala ini tani matabo kon puede niya ma-contact ang lokal nga upisina dira mismo sa ila directory.
Tani makita sang kompaniya ang ini nga problema kag ma-korehiran ini para sa kasulhayan sang ila mga kliyente.
Isa man ka kliyente ang nagka-problema sang daku tungod man sa centralized structure sang Register of Deeds. Nadula ang kopya niya sa titulo sang iya magamay nga duta sa uma, gani nangayo siya sang kopya sa ROD kay kinahanglan niya sa isa ka transaksyon.
Ang iya nga duta, tungod agricultural, wala gani gabili sing P10,000. Apang kinahanglan pa gali niya ipasaka ang iya request sa korte, sa diin nag-gasto siya sang sobra pa P15,000 sa abogado kag iban pa nga galastuhan.
Na-aprub gid man sang korte ang iya request pagkaligad sang pila ka bulan, kag may order na nga ginpagwa ang korte nga tagaan siya sang kopya sang iya titulo sang ROD.
Ang siste kay kinahanglan pa gali aprubahan ini sang ROD halin sa central office. Tubtub karon, mga isa na ka tuig, wala pa sining kliyente mabaton ang kopya sang iya titulo. Tungod sini, napurnada ang iya transaksyon angot sa sining iya gamay nga duta.
Diyos ko! Daw basulon sining kliyente si Presidente Duterte sa iya problema. Ambot lang ugaling kon may kaisug siya magdala sang iya problema kay Presidente kay nahadlok siya ma-isyuhan nga naga-droga tungod kilala nga durugista ang iya pakaisa, katulad sang natabo sa iban nga kilala niya kuno./PB
[/av_textblock]
[/av_one_full]
