[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Problema sa speed gun kag speed limit’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=”]
Saturday, June 3, 2017
[/av_textblock]
[av_textblock size=” font_color=” color=”]
TUNGOD sa sige nga pagsanyog sang siyensya, ang ginakilala subong nga pina-accurate kag pinaka-madasig nga manugtakos sang kadasigon (speed) sang nagadalagan nga salakyan, sa duta man ukon sa kahanginan, amo ang laser gun.
Ginagamit ining laser gun sa masami sang mga salakyan pang-kahanginan (aircraft) para mag-identify sang mga posible sagabal sa paglupad ukon paghugpa sang eroplano labi na gid kon malain ang panahon, ukon sang air force para sa accuracy, por ejemplo, sang bombing target.
Mas accurate kag mas madasig ining laser gun sa pag-identify sang mga bagay sangsa radar ukon speed gun sa bisan sa pinaka-latest sini nga bersyon. Of course, luas lang kon ang gina-target isa ka stealth aircraft nga mabudlay kaayo i-detect sang bisan laser technology.
Sa karon, sa Siyudad sang Iloilo, speed gun lang ang ara sa TMTRO nga puede na seguro sa problema naton sa trapiko.
Ang ining speed gun, sunu sa aton masaligan nga tiliman-an, gatiro sang microwave radiation nga daw search light, nga mas nagalapad ang lab-ut samtang gapalayo. Sa 1,000 ka tapak (feet) nga kalayuon, nagalab-ut ang igu sini sa 105 ka tapak nga kalaparon. Sa masami, ginagamit lang ini sa kalayuon nga 600-800 ka tapak.
Ang laser gun may epektibo nga range nga tatlo lang ka tapak (3 feet) sa kalaparon (width) sa kalayuon nga 1,000 ka tapak, nga nagapadasig kag gapa-accurate sang iya pagkilala sang ginatiro.
Si Mayor Jed Patrick Mabilog gapati ugaling nga may problema man ang pagpatuman sang paggamit sang speed gun, nga sa karon gamiton lang anay sa Ninoy Aquino Avenue, sa diin luyag sang madamo nga salakyan magpadasig sang sobra sa kalaparon sini nga mga 10-12 lanes, lakip na sa iban nga dalanon kon makita nila nga mahawan.
Kon naga-insistir kita sini, ina indi tungod ang aton katuyuan amo ang maka-kwarta kay pila man lang ang ganaron sang siyudad halin sa sining penalidad, siling ni meyor.
Ang importante diri, dugang pa ni City Administrator Hernani Galvez, nga matudluan naton ang mga motorista sang “voluntary compliance” para sa pagpangamlig sa publiko batok sa disgrasya sa trapiko.
Ang Iloilo City Police Office (ICPO) naka-record sang 112 ka traffic incidents sadtong Mayo 15-21, 2017, samtang 108 ka insidente sadtong pareho nga period sang nagligad nga tuig.
Ang pulis gapati nga sa pag-implementar sang speed limit ordinance, Regulation Ordinance 2015-283, ang mga disgrasya sa trapiko magahagan-hagan na sugod sa pag-implementar sini sa Hunyo 1.
Natural man lang seguro nga may binaisay parti sa pagdinakpanay sa tunga sang mga traffic enforcers kag mga drayber, siling ni meyor.
Labi na gid kay ang speed gun indi man perfecto, or at least indi gid man pareho ka epektibo sangsa laser gun.
Sa matuod, madamo ang puede i-reklamo parti kon ano gid ang ensakto nga kadasigon sang isa ka salakyan bisan pa sa paggamit sang speed gun.
Isa na dira kon ang salakyan mismo may iya kaugalingon nga radar ukon speed gun nga basi lain ang reading sangsa ila radar gun.
Ang reading sang speed gun sang pulis puede man maapektohan sang malain nga panahon. Mabungguan lang ini, por ejemplo, sang nagalupad nga dahon, basi mag-reading na ini sang sobra sa normal.
Kon nagaliko-liko ang dalan, puede man sini maapektuhan ang correct reading.
Ang nagatiro sang speed gun kag ang naga-reading posible palpak man.
May balaison man kon paano ma-identify ang isa ka salakyan sa pila ka bilug nga dungan iguon.
Samtang, kabati man kita sang reklamo halin sa mga negosyante kag operator sang mga taxi parti sa sobra man kahinay kuno sining gintalana nga kadasigon sang salakyan sa madamo nga lugar nga naga-apekto sa madasig nga lakat sang negosyo kag panakayon sang publiko.
Ang ining mga speed limit nga ginatalana sang speed ordinance nagalakip sang 60/kph, 40/kph, 30/kph, kag 20kph depende sa klase sang dalanon.
Tungod sini, gina-paabot ta nga madamo ang ma-reklamo kag mag-file gid gani kaso sa sining una nga kahigayunan sang pagpatuman sang speed ordinance nga ini./PB
[/av_textblock]
[/av_one_full]
