[av_textblock size=” font_color=” color=” av-desktop-hide=” av-medium-hide=” av-small-hide=” av-mini-hide=” av-medium-font-size=” av-small-font-size=” av-mini-font-size=”]
[/av_textblock]
[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugdaon ni Matt (suga) – Dec. 14′ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=” av-medium-font-size-title=” av-small-font-size-title=” av-mini-font-size-title=” av-medium-font-size=” av-small-font-size=” av-mini-font-size=” admin_preview_bg=”]
Ni Wenceslao “Matt” E. Mateo Jr.
[/av_heading]
[av_textblock size=” font_color=” color=” av-medium-font-size=” av-small-font-size=” av-mini-font-size=” admin_preview_bg=”]
Gapangayo kami dugang nga suga
sa Podco halin kay Mayor Espinosa
SA pagkamatuod, makagalanyat ang kasanag sang siyudad sang Iloilo sa madamo nga bahin sini sa subong nga panahon sang Paskwa.
Labi na gid sa mga plaza, sa mga mayor nga dalan, sa mga dalagku nga mga building katulad sang mga mall kag sa dira sa Iloilo Capitol kag sa City Hall, lakip ang mga dalagkuan kag matahum nga mga subdivision sang mga manggaranon.
Masiling mo pa gani nga daw sa langit ka sa duta diri sa siyudad sa ining bulan sang Disyembre. Ang mga bituon diri daw puede mo pa gani masingit tungod sa madamo nga parol nga nagahilera agud maiwagan ang mga salakyan sang mga may kwarta sa Diversion Road.
Samtang sa madamo man nga mga lugar sa komunidad sang mga kubos, kon may kasanag gid man, daw pinanubol ang mga pumuluyo diri nga kinahanglan mangapkap sa iwag sang mga magagmay kag malaka nga mga bombilya sa mga dalanon pasulod sa mga pamalay halin sa mayor nga dalan.
In fact, sa pila sining mga makitid nga mga dalanon may pagkakibang ang mga pumuluyo sa ila pagpauli kon gab-i sa nagaagaw-agaw nga kadulom sa dalanon tungod sa kakulangan sang kasanag diri.
Katulad lang sang dalan nga mga sobra 200 ka metro pasulod sa amon halin sa mayor nga dalan.
Ining dalan pasulod diri sa amon sa Barangay Q. Abeto-Mirasol sa Mandurriao, nga PODCO kon tawgon namon, nahamtang sa isa ka pribado nga lote sa diin ang una, sa subong, nga tag-iya nangin maalwan sa mga tawo nga naga-istar diri sa sulod.
Kon wala ako magsala ang una nga tag-iya naga-apelyidon Diaz, nga sa bati namon nagbaligya sini sa bag-o nga tag-iya agud magpuyo na sing permanente sa Canada.
Ginpahanugutan sang mga Diaz nga paagihan ang ining dalan nga mga 200 ka metro sa mga tawo nga naga-istar diri sa sulod. Diri man sang ulihi nagtindug ang mga poste sang PECO agud mabuligan pasanag ang ining makitid nga dalan. Natakdan man kami diri sang tubo sa tubig sang MIWD ubay sa sining dalan sa diin sobra isa ka dosena nga panimalay naga-istar kag nagakuha sang ila maimnan nga tubig.
In fact, ginpahanugutan man ang mga may salakyan diri agud mag-amot-amot, sa pagpanguna ni Mr. Danny Fajardo nga tag-iya sang Panay News, agud tampukan temporaryo ini kon may lubak-lubak na.
Ang bag-o nga tag-iya ugaling daw wala magpahanugot nga kaayuhon ining dalan bisan temporaryo lang kay sige subong ang antus sang mga may salakyan diri sa pag-agi sa sining lubak-lubak na nga dalan. Pati taksi daw nahadlok na magsulod diri.
Ang bati naton nga nakapangabay na gani si Mr. Fajardo sa bag-o nga tag-iya nga kon may project siya diri, tani ilakip sini ang pagpakaayo sining dalan bilang kabahin sang iya project kon ano man ina. Tani mangin matuod ini.
In fact, ang suga diri sa amon dalan ginbuligan pa paangot ni former Vice Mayor Jose Espinosa III sa poste sang PECO bayad sang siyudad.
Ginpatigayon sini nga iangot diri ang duha ka dalagku nga suga pareho sang yara sa mayor nga dalanon. Ang isa yara malapit sa puluy-an ni Mr. Fajardo sa sulod, kag ang isa yara sa tunga sang dalan.
Tungod indi suficiente ang kasanag sang sining daku nga suga sa kalawigon sini nga mga 200 ka metro, nangin maalwan man ang barangay agud matakdan kami diri sang mga magagmay lang nga bombilya nga masami gabisyo kag indi dali-dali ma-islan tungod seguro sa kakulangan sa budget sang barangay.
Tutal project man anay ini ni Mayor Espinosa, gapangabay kami tani nga madugangan sang siyudad ining duha ka dalagku nga suga. Kinahanglan namon seguro ang mga 3 pa sining suga agud mapasigahan kami sang husto.
Importante gid kaayo ini sa amon, luas nga madulom gawa ang amon dalan, may duha na kami nga kaso sang pang-abuso. Isa sang amon dalagita diri gin-attempt rape sang wala tubtub subong mahibal-an nga suspect. May pila man ka kaso diri sang pagbinastos sang kuno mga drug addict nga nakasaboy diri sa amon.
Tani mabuligan kami ni Mayor Espinosa sang kinahanglan namon nga 3 ka dalagku nga suga diri sa amon dalan. #
[/av_textblock]
[/av_one_full]
