[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | SIKWAWI NGA PLANO’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Monday, May 8, 2017
[/av_textblock]
[av_textblock size=” font_color=” color=”]
Madamo ang gilayon nga naghatag sang reaksyon, nagsaka ang ila mga kilay, nagmudlo ang ila mga mata kag naham-ot sa ila nabatian kag nabasahan sa plano ni Mayor Jed Patrick Mabilog nga hatagan sang partida ukon komisyon ang mga traffic aides sa kabug-usan nga balor sang kita gikan sa multa sa ila madakpan nga mga nagalapas sa kasuguan sa trapiko sa syudad sang Iloilo.
Ginsiling sang alkalde nga sang iya pagpadulong sa Metro Manila iya natalupangdan nga masulhay ang ilig sang trapiko kag nag-agaw sa iya atensyon agud tukibon paagi sa pagpamangkot sa traffic aide kon ano ang ila padugi agud magsulhay ang ilig sang trapiko sa tuman ka daku nga syudad kag may madamo nga salakyan.
Natukiban sini nga ang mga traffic aide ginahatagan sang komisyon base sa balor sang penalidad sang ila mga nadakpan nga nagalapas sa kasuguan sa trapiko, santu sa pahayag sang iya nasugilanon nga traffic aide.
Nagtumar sang interes ang alkalde nga himuon man ini nga bagay sa syudad sang Iloilo rason nga iya ini nabungat sa kahanginan.
Gintunaan man ini gilayon sang tuhay nga reaksyon gikan sa sektor sang transportasyon.
Ginpahayag ni Boyet Parcon sang ICLAJODA nga magalala ang kurapsyon kag mangin palaagyan sang mga traffic aide nga magpahala sang pagpangdakop bangud kinahanglan nila nga makabaton sang daku nga komisyon.
Nahibaluan nga madamo sang mga traffic aide ang pasimple lang kon magbaton sang lima ka pesos tubtub biente pesos gikan sa drayber sang jeep. May yara sang nagasakay sa front seat kag manaog didto lang sa unhan. May yara sang nagatindog sang tuman ka duot sa kilid sang drayber, ulayhon ang pag-istorya, kag sikreto nga nagabaton sang kwarta.
May yara man sang ginahulugan lang sang kwarta sa karsada, ginatapakan lang ini sing madasig kag pasimple sang traffic aide, kag ginapudyot sa tion nga makalumbos na ang jeep.
May makahalam-ot man nga sitwasyon bangud may nagkatabu nga nagakapalid ang piniod nga biente pesos rason nga makita ang pagdagon-dagon sang traffic aide agud lagson ang napalid nga kwarta.
Sa simple nga pulong, lantawon sang traffic aide ang balor sang komisyon nga iya mabaton batok sa direkta sini nga mabaton gikan sa nakalapas nga drayber kag iya nga timbangon nga mas daku ang iya mabaton kon indi niya pagdakpon.
Sa sini nga punto, mas magalala ang problema sa trapiko, mas madamo sang magapadungol nga drayber kag maganubo ang paglantaw sa mga traffic aide.
May pahayag man nga tingbon ang balor sang ila natipon nga multa kag ibalik sa ila ang ila bahin sa masunod nga tuig sa porma sang dugang nga pondo sa ila opisina.
May nagasiling man nga magasagsag ang mga traffic aide kag mangin makaluluoy ang mga ordinaryo nga mga drayber sa pampuliko nga salakyan apang ila nga pabay-an ang mga pribado nga salakyan.
Indi mabulong ang isa ka balatian kon ang bulong nga ginatumar makapatukal sa isa pa ka balatian.
Tun-an sang maid-id, timbangon sang lubos, agud indi ini pagtawgon nga sikwawi nga plano./PB
[/av_textblock]
[/av_one_full]
