[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PANUGDAON | TUMAN KA TAAS’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
ROBERTO ‘BERT’ LADERA
[/av_heading]
[av_textblock size=” font_color=” color=”]
Monday, July 3, 2017
[/av_textblock]
[av_textblock size=” font_color=” color=”]
Paano malab-ot ang tuman ka taas nga edipisyo sa tion nga may magluntad nga emerhensya? Sa tion nga may matabu kaangay sa natabu sa Grenfell Tower sa London?
Nagtuhaw ini nga palamangkutanon sa akon paminsaron bangod man sa aton makita nga madamo nga matag-as nga mga edipisyo sa palibot sang Syudad sang Iloilo ilabi na sa distrito sang Mandurriao.
Naga-uswag ang aton syudad, madamo sang mga building nga naga-ulhot. Nagapaindis-indis sa pagpataas kag halos masakit na sa liog kon tanglaon. Kaangay lang nagahalok sa panganod kag nagasimbolo sang indi mapunggan nga pagtin-ad sang syudad.
Samtang naga-ulhot nga daw sa mga uhong kag nagabutyog lang sang hinali ang mga building, lunsay tuman ka taas ini nga ginatangla. Makatilingala, makakulunyag, makahalangawa, tuman ka anyag ang mga matag-as nga mga istruktura sa syudad sang Iloilo.
May kapasidad ayhan ang syudad sa pagresponder sa magatuhaw nga emerhensya sa mga matag-as nga building? Napaminsar na bala sang aton pangulohan nga sa pihak sang kauswagan may dapat nga paniganahan? Nakita na bala nila nga kon ano katayog ang aton pag-uswag amon man ina ka tayog sang aton risgo?
Mahimu ayhan nga isalig na lang naton sa mga tag-iya ukon sa mga nagadumala sang building ang paghimu sang tikang kon paano nila maamligan ang ila mga kliyente? Ibilin na lang ayhan naton sa ila ang pagpangita sang solusyon sa mahimu matabu?
Nakahibalo kita nga may mga patakaran kag polisiya nga ginapatuman ang gobyerno tuhoy sa pagpatindog nila sang mga building, ginatsekyar sang bombero kon bala nagatuman sila, kag ginalantaw kon may yara sila sang mga gamit ukon panagang sa tion sang emerhensya ukon kalamidad nga magaluntad.
Ang tanan mahimu nga nagatuman. Ang tanan mahimu nga kumpleto sa gamit kag posible mga high-tech kag mga bag-o nga sahi pa sang kagamitan ang yara sa ila.
Apang, bisan pa nga yara sa ila ang tanan nga gamit kag nagatuman sila sa kasuguan, apisar sini ang kalamidad ukon emerhensya ang nagaluntad nga wala nagalisensya ukon nagapahibalo.
Ang ila kahandaan ang mahimu nga masablagan kon ang tanan sa ila nagakinaran-karan kag wala na sa pokus. Ang magasalu sa sini nga hilikuton amo ang pwersa sang gobyerno nga may ihibalo sa pagresponder sa hitabu.
Kinahanglan pa bala kita magsulod sa building agud nga magamit ang ila kaugalingon nga gamit? Dapat pa bala nga risgohan bangod nga wala kita sang kagamitan?
Kon naga-uswag kita kag daku ang kita sang kaban, angay nga magpanigana kita para sa indi mapaktan nga hitabu.
Dapat konsiderahon sang gobyerno sang syudad ang pagplano sa pagbakal sang kagamitan nga mahimu makaresponder sa tion sang sunog ukon ano man nga kalamidad nga magaluntad sa mga matag-as nga building.
May yara kita sang bombero apang liwat naton nga hibaluon kon bala may preparasyon na sila tuhoy diri. Indi naton angay nga isalig ang tanan sa mga volunteer fire brigade.
Dapat mataas man ang aton pagpanigana sa posible nga matabu sa palaabuton samtang nagatangla kita sa mga building nga tuman ka taas./PB
[/av_textblock]
[/av_one_full]
