[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Balingag nga utok
MAY panibag-o na naman nga kaso sang Zika virus sa syudad. Ini duha sa 12 ka kaupod sa puluy-an sang 45 anyos nga babaye nga ginatawag “index case” sa technical/medical nga termino sang Department of Health nga una na nangin positibo sa Zika virus. Kaangay sang dengue kag chikungunya, ang lamok man nga Aedes ang vector ukon nagapalapta sini nga balati-an.
Ang syudad sang Iloilo may masobra na sa 700 ka kaso sang dengue sa January-August nga period kag may tatlo na ka patay. Mas nahatagan sang dako nga attention ang Iloilo bangud sa pagkatukib sang una nga kaso sang Zika virus sa syudad kag ginsundan pa sang duha pa niya ka kaupdanan. Tandaan naton nga ang nagadala sini nga sakit lamok…ang lamok nagamuad sa sa aton mismo komunidad.
Matapos matukiban ang una nga kaso sang Zika sa syudad, nag-conduct sang entomological investigation ang DOH kag nakita nga ang mga lamok sa lugar lunsay Aedes ang vector ukon tagdala sang sakit nga dengue, Zika kag chikungunya.
Siling ni DOH Sec. Paulyn Rose Ubial, nagakabalaka sya bangud sa pihak sini nga mga natukiban, kulang sa gihapon ang kooperasyon sang mga residente sa pagpaninlo sang ila palibot. Nga-a mabudlay gid bala ang magpaninlo sa aton palibot? Nga-a bala katig-a gid sang ulo sang iban kun katinlo sang palibot ang hambalan?
Matamad kita maninlo sa aton palibot apang kun may magbalati-an sang dengue mamasol dayun sa gobyerno. Nga-a bala nga ibasol naton sa gobyerno ang bagay nga sa aton level matapna na kuntani kun responsible lamang kita?
Ang City Health Office maga-conduct sang house spraying sa 530 ka puluy-an sa Barangay Benedicto, Jaro sa Setyembre 17 kag 18. Ini sa katuyuan nga mapatay ang mga lamok sa sulod sang puloy-an sang mga residente.
Nga-a bala naglambot pa sa punto nga kinahanglan pa nga gobyerno ang maninlo sa sulod mismo sang aton panimalay? Ini bala nga bagay katungdanan pa sang aton gobyerno? Kun kita na mismo nagapaninlo sa aton palibot, indi na mag-abot ini nga punto. Ang malain pa kay wala na nagapaninlo sa ila palibot, karon mamatok pa kun ang gobyerno na ang magsulod sa ila balay agud maninlo. Kun indi gusto nga mainsulto, unaha ang pagpaninlo sa panimalay mo.
Ang problema sa aton nagapaminsar lang kita kun ano ang makapaayo sa aton kauglingon. Nadula na ang aton duna nga pag-ulikid sa isig ka pareho kag palibot. Naislan na ang aton paminsaron sang balingag nga panindugan; indi magtuman sa ginapanugyan ukon advisories sa ila apang madasig mamasol-basol kun malain na ang matabu sa ila.
Amo ina ang problema. Aton kapalpakan, ibasol naton sa iban. Kuntani ti-on na nga umpisahan naton ang mangin responsible sa atun pagsinalayo. Responsable indi lang sa atun panimalay kundi sa aton palibot.
Tadlungon na naton ang balingag nga paminsaron nga ang tanan isalig naton sa gobyerno. Tandaan naton nga tagsa sa aton may katungdanan sa aton komunidad. Mangin responsable kita sa atun palibot. Indi na paghulaton nga may malain nga matabu tuga sang pagkabalingag sang atun utok antes kita maghulag.
Mangin responsable!/PN
[/av_textblock]
[/av_one_full]
