[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Ikaw, ano ang pryoridad mo?
SA SUBONG nga kabudlay sang pangabuhi, ano bala ang imo prioridad sa kabuhi?
Sa survey ginapakita nga ang pagpataas sang sweldo sang mga mamumugon kag dugang nga trabaho ang nagapanguna nga gusto matabu sang mga Filipino. Ini apisar nga nakasentro ang gobyernong Duterte sa away sa kriminalidad, particular na ang ilegal nga droga.
Sa survey gusto sang 46 percent sang mga Filipino nga aktuhan sa gilayun ang pagpataas sang sweldo sang mga mamumugon kag ginasundan sang jobs creation sa 38 percent. Ginapakita sini nga halos wala sang pagbag-o ang sentiment sang mga Filipino.
Nagasunod diri ang pagkontrol sang inflation sa 37 percent nga nagapakita nga kabalaka sa ekonomiya ang nagahari sa paminsaron sang mga Filipino.
Ang 32 percent diri ang gusto sang padayun nga kampanya sa pagpangawat sa kaban sang gobyerno samtang 31 percent lamang ang gusto sa kampanya kontra krimen ilabi na ang ilegal nga droga.
Ano bala ang ginapakahulugan sang sini nga mga numero? Simple lamang…mas gusto sang mga Filipino nga mapasanyog ang ila kabuhi paagi sa pagbaton sang nagakadapat nga sweldo kag dugang nga oportunidad nga makatrabaho.
Ini nagakahulugan man nga padayun nga nagabatyag sang kapigaduhon ang mga Filipino kag ang pagpataas sang sweldo, pagdugang sang oportunidad sa trabaho kag kontrol sa presyo makahatag alibyo sa ila kahimtangan.
Pamati-an naman ayhan sang gobyerno ang resulta sang survey kay indi dampig sa ila ang numero? Ukon basi hambalon naman sang administrasyon nga himu-himo lang ang survey agud magguba ang President?
Sa pila na ka speeches sang President sa iya pagtambong sa mga opisyal nga functions, isa lang ang ginabungat sang bibig – ang away sa ilegal nga droga kag kun ano ka lala ini sa karon. Diri gina-usikan sang President ang pagsabat sa mga kritisismo kag pahayag sang mga international bodies kag rapporteurs. Nagabaha lang ang pinamuyayaw sang President.
Diin ka imo makakita nga nagtambong sa pagtililipon sang mga negosyante pero ilegal nga droga ang mayor nga kaundan sang iya mensahe? Wala kita sang nabati-an nga maathag nga policy direction sa ekonomiya, palangabuhian, ikaayong lawas, edukasyon kag relasyon sa iban nga pungsod. Halos nawili na lang iya ang President sa pagpangaway sa iya mga kritiko. Ang iya naman Cabinet secretaries nagapalamunggo sa pagsabat sang palamangkutanon sa mga pahayag sang President.
Sa iya speeches sa military kag pulis, okay lang kun estoryahan ang ilegal nga droga kag police operation. Pero kun sa mga negosyante kag investors ang tambungan, dapat nasandig man sa programa ang speech sang President. Ako nagapati nga naluwas kay Duterte, wala na sang mangin President nga makasarang sang away sa ilegal nga droga kag krimen nga ginahimo subong.
Ang apelar lang sang publiko, samtang masako sa away sa mga tawo nga ara sa ilegal drug trade, dapat indi man pagkalimtan ang mas nagapanguna nga kinahanglanon sang mga Filipino…ini amo ang sweldo nga makabuhi kag makapaeskwela sa mga anak, trabaho nga madali lang kag indi na kinahanglan nga pangitaon pa, kag estable nga presyo sang mga balaklon.
Ang problema, wala ini ginapahibalo sa publiko. Kun may ara gid man sang programa para diri, kun tani mahibaluan man sang publiko. Kun maka-publicize kita sang kampanya sa ilegal nga droga, nga-a indi kita makahatag sang kaangay nga pagtamod sa manubo nga sweldo sang mga empliyado? Kabay nga pamati-an kita ni Duterte kag indi pag-i-bash ukon i-bully sang iya mga supporters sa social media.
Ang ilegal nga droga maangut man sa kaimulon, kakulang sang trabaho kag mahal nga balaklon para sa matawhay nga pagkabuhi kag pagsinalayo sang mga Filipino.
Unta hatagan man sang pagtamod ini nga problema. Buligan naton nga makapangabuhi sang independent ang mga Filipino paagi sa pagpangita sang programa nga mahatagan sila sang palangabuhian.
Ikaw ano ang imo prioridad?
Kun ano, syempre saka sa sweldo kag bastante nga trabaho!/PN
[/av_textblock]
[/av_one_full]
