[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sa diin kita padulong?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
SA DIIN kita padulong?
Ini ang palamangkutanon nga nagatublag sa akun bangud sa nagakatabu nga sitwasyon sa pungsod – sa madata nga pagpamatay, sa masingki nga mga tinaga sang lider sang pungsod, sa kakulang sang palangabuhian, sa manubo nga sweldo…Maano na lang kita sini?
Masako sa karon ang Duterte administration sa away kontra sa ilegal nga droga. Napun-an man ang schedule sang President sa iya pagdayaw sa pungsod China kag pagdis-og sang Estados Unidos sa nakaraya nga pulungkuan sang mga abyan sang PIlipinas.
Gusto sang Duterte administration nga ara sa luyo niya ang China kag Russia…ang Estados Unidos..echapwera na.
Kun amo sini ang aton sitwasyon sa Pilipinas, diin ayhan kita padulong? Indi ayhan matapos ang anom ka tuig, sa tangkungan kita masapwan?
Athagon ko: ginadayaw naton ang kampanya para sa kalinong kag katawhay sang Duterte administration. Pero sa pihak sang sini nga pagdayaw, wala man ini nagapugong sa aton nga magreklamo kun may problema kita. Indi man guro matarong nga bisan pa nga nagaproblema ka na sa imo sitwasyon, mahipos ka lang kag wala sang himuon sa kabuhi?
Luyag kuntani naton mabati-an mismo gikan sa bibig sang President kun ano ang iya polisa sa ekonomiya (labay man akun, ang husto nga term para sa policy amo ang “polisa” kag indi polisiya; kay ang polisiya kahulugan nya pulis).
Wala kita sang mabati-an nga economic policy kag direksyon. Ang solo lang nga mabati-an amo nga gusto ni Duterte ang independent nga polisa sa ekonomiya gikan sa US. Kun mabaskog man ang kampanya sa ilegal nga droga, wala ini nagakahulugan nga ibalewala na lang ang mga kapaltahan sang mga nagapungko sa tore sang gobyerno.
Sa patag sang relasyon sa luwas sang pungsod ang formula diri amo ang pagdugang sang mga abyan kag indi ang pagtikwang sang iban. Ugaling maathag subong nga ginatikwang na ang US kag masulod sang China.
Masubo batyagon nga amo ini kalala ang imahen sang Pilipinas sa iban nga pungsod. Ingrato ang pagkabig sa aton. Ini bangud nga ginatikwang naton palayo ang mga daan na nga kaalyado nga nakadala sang dako nga bulig sa mga estudyante. Kuntani indi na pag-awayon sang President ang US kun gusto nya nga magsulod sang foreign kag trade relations sa China. Ang hampang diri, siling sang mga kilala nga columnists, dapat dugangan lang ang mga abyan…indi nga buhinan pa. Subong man, wala kita sang mahimo kay polisa niya ini pero kuntani indi lang pag-ibase sa ang desisyon sa emosyon kag hutik-hutik.
Sa tunga sang kakibang sang iban sa mga pronouncements sang President, may iban nga nagahugyaw sang pagdayaw. Ang pamangkot, nahibaluan bala nila ang ila ginahugyawan? Ukon nagasunod lang sa uso?
Halos nagakadula na ang respeto sa pagpakigsugilanon sang mga Filipino bangud may ara kita lider nga mahapos lang ang pagbalay sang mga tinaga nga P.I. Sa mga speeches sang President, mabati-an ang hugyaw ukon tago nga kadlaw sang mga tumalambong sa ti-on nga may ginabuyayaw nga tawo. Halos bag-o nga normal na sa pagpakigsugilanon ang mga P.I., son of a bitch kag iban pa nga nagakawas sa baba sang President. Ini lang nga President ang naga-justify pa sang iya pagpamuyayaw. Matingil sa dulonggan apang may iban nga nalipay makabati sang kaangay nga tinaga.
Mr. President…ano gid bala ang plano sa ekonomiya?
Sa diin bala padulong ang banas nga atun ginausoy?
Sa diin ayhan magatakop ang bahin kag pahina sang atun kabuhi?/PN
[/av_textblock]
[/av_one_full]
