[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Media: Indi trabaho kundi bokasyon
MADAMO ako sang gina-idolo nga mga media men indi bangud sampaton gid sila sa ila trabaho kundi sa pagpati ko nga tumalagsahon ang trabaho sa media.
Sa pihak sang akun pag-idolo sa ila, wala nila ako naimpluwensiyahan agud magtrabaho sa media. Naghandum ako nga mangin manunudlo. Apang bangud nga wala ako sang nahibaluan sa mga pasikot-sikot sa Iloilo sang una, sa baylo nga sa College of Education ako magkadto, College of Arts and Sciences ang akun natup-an. Kag ang tanan nangin maragtas na lamang.
Bangud sang pagtalang ko, ari ako subong nagatrabaho bilang isa ka media man. Ang iban nga gina-idolo ko sang una, subong katrabaho ko na. Ang iban nga nangin mentor ko sang ako estudyante pa, subong kaupod ko na sa mga coverage.
Pero natukiban ko nga ang kabuhi sang media tuhay sa akun ginapatihan sang una. Ang akun pagpati sang una nga ang kabuhi sa media kabuganaan tanan, napun-an du-ag kag kasulhayan. Ini tanan nga pagpati nabaliskad sang ako ara na sa matuod nga kalibutan sang media.
Ang matuod gale, kun wala ka sang paghigugma sa sini nga patag madali ka madulaan gana magtrabaho. Ini man ang kabangdanan nga diri sa local, malaka ka lang makakita sang mga nagatigulang sa pagtrabaho sa media. Masami ginagamit lang ang pagtrabaho sa media agud makakita sang mga koneksyon para sa mahapos nga pagpang-empliyo sa iban nga opisina.
Sa subong nga ti-on mas nangin kumplikado pa ang pagtrabaho sa media. Ara sa masami ang mga pamahog sa ila kabuhi. Padayun nga may kakulangan sa ila ginabaton nga kumpensasyon. Ini nga mga panghangkat ginabalewala lamang sang mga media men sa pagtuman sang ila trabaho nga ginakabig na nila nga “katungdanan ukon personal nga krusada.”
Ang masakit subong, akusaran pa ang mga katapo sang media nga may ginapaboran para sa ila kaugalingon nga kaayuhan. Subong sa idalum sang Duterte administrasyon mas nagadelikado ang mga katapo sang media – indi sa gobyerno kundi sa mga supporters sang pamunuan.
Samtang nagahimakas ang Duterte administration nga maamligan ang katapo sang media, ang pamahog gikan sa iya mga supporters sa social media nagapadayun. Lokal ka man ukon international media, indi ka makaluwas.
Ang pila sa mga ginahambal nila nga kritisimo batok sa katapo sang media possible may kamatuuran man. Apang ang kondinahon kag pakamalauton ang tanan nga katapo sang media nga nagapakamalaut sa mga kapaltahan sang Duterte administration indi naman matarong.
Mas delikado ang media nga nagahipos kag lunsay lang pagdayaw sa administrasyon ukon bisan kay sin-o man. Ang pag-akusar sa katapo sang media nga amo ang nagaguba sang imahen sang aton pungsod sa pangkalibutanon nga patag indi matarong. Ang media nagareport lang kun ano ang ginabungat sang mga tawo nga ila ginakuhaan sang pahayag ukon santo sa speeches sang President. Ang plagplastar sang anggulo sang balita (slant) nagadepende naman kun paano himuon agud mangin makagalanyat sa publiko ang balita.
Kun gusto mo mag manggaranon, indi ka magtrabaho sa media diri sa lokal. Kun matinlo ang imo kamot indi ka magkabuhi sang masulhay sa media.
Ang trabaho sa media mabudlay. Malain ka kun magpakamalaut ka. Malain ka man kun magdayaw ka. Wala ka gid sang pakadtuan.
Nahibaluan nyo bala nga ang mga katapo sang media madasig magpatigayun agud masolbar ang problema sang publiko? Apang kun sila may problema, sila-sila lang ang nagahimakas agud malampuwasan ini. Amo ini ang hulubaton sang kadam: “Ang problema sang iban nasolbar, pero ang kaugalingon nga problema indi maarangkada.”
Diri ko natakos nga ang kalipayan lang sang media amo ang makadeliber sang balita nga makadakop sang atensyon sang publiko.
Samtang may iban gid man nga media nga naga-abusar sang ila ballpen, micropono ukon camera, mas madamo sa gihapon ang mga matarong nga ang handum makadala sang patas kag tampad nga balita para sa kaayuhan sang kadam-an.
Suliton ko lang ang akun panindugan: Ang media nga mahipos kag tanan pagdayaw lang sang mas delikado pa kun ipa-anggid sa kritikal nga media./PN
[/av_textblock]
[/av_one_full]
