[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Problema sa trapiko, kita ang solusyon
ANG syudad sang Iloilo nagapabugal sang madasig nga pag-uswag. Makita man ini sa mga proyekto kag dalagko nga mga developments nga naga-inulhot.
Kadungan sang pagsanyog sang Iloilo, amo man ang pagbag-o sang kabuhi sang iban. Madamo na ang makasarang magbakal sang salakyan (apisar nga madamo sa gihapon ang mas pigado). May mga dalan nga ginpalapad bilang antisipasyon sa kadamuon sang mga salakyan nga magalabay kaangay sang Sen. Benigno Aquino Jr. Avenue nga mas kilala nga Diversion Road.
Sa pihak sini, problema gihapon ang paggutok sang mga dalanon (ini apisar nga medyo tolerable pa man ang problema sa trapiko kun ipa-anggid sa iban nga mga lugar) sang syudad. Siling ni Atty. Emerson Carlos, slow moving lamang ang trapiko sa Iloilo, indi makabig nga “ma-traffic.”
Kita nga mga Ilonggo wala naanad sa naga-igod nga lakat sang salakyan sa dalan. Wala kita naanad nga gutok ang mga salakyan sa dalanon. Gamay lang nga paghinay sang aton ginasakyan, reklamo kita dayun nga ma-traffic.
Ang pamangkot dapat: ngaa ma-traffic? Sin-o ang nagatuga sini nga problema? Tanan kita indi luyag sang ma-traffic nga dalan. Pero tanan kita kabahin sang problema sa trapiko. Kag sa sini nga sitwasyon, ang mga imol nga wala sang salakyan ang mas nahalitan.
Isa sa dako nga nagatuga sang paggutok sang trapiko amo ang patarasak lang nga pag-park sang mga salakyan bisan sa mga dalanon nga gindeklarar nga no-parking zones.
Ang salakyan sang mga negosyante nga Intsek sa downtown, bilog nga adlaw ara lang naga-park sa dalan. Ang mga Intsek man nga negosyante ang nagapamatok sa pagdumili sang parking sa downtown bangud ma-apektuhan ang ila negosyo. Bangud diri may mga ginhimo nga concession para lamang sa ila kag sa ila mga customers.
Talalupangdon man ang kakulang sang disiplina sa mga drivers. Una sa pribado nga mga salakyan: Makita nga bisan para sa loading/unloading area sang mga pampubliko nga salakyan, naga-park ang mga pribado nga salakyan. Simple nga kasuguan indi nila matuman.
Sa bahin naman sang mga drivers sang pampubliko nga salakyan, ginabantayan lang ang traffic aide kun wala nagatulok kag magpapanaog sang pasahero bisan sa ginadumilian nga lugar. Kulang gid sa disiplina.
Nagalibog man ang akon ulo kun diin nagakuha sang kaisog sang buot ang mga tag-iya sang salakyan nga himuon nga parking area ang mga dalan. Mangakig kun gutok ang dalan apang sila man ang problema.
Sa diin naman ang konsensya sang mga tag-iya sang talyer ukon vulcanizing shop nga ginahimo nga neligosyuhan ang dalanon bangud dira sila nagaka-ayo sang guba nga salakyan? Makapila na sila ginpahanumdom apang nagapabungol lamang.
Mas nagalala pa gid ang kagutok sang dalan bangud sa ti-on nga ma-traffic na, dira man kag nagapinakarera panagil-ot ang mga salakyan. Sa baylo nga magsunod sa normal nga lakat sang salakyan, nagapinaun-una nga makalusot, gani ang resulta mas nagagutok dugang ang dalan.
Maathag nga ang problema ara sa atun pagbinatasan. Pero ngaa ginabasol naton ang gobyerno? Matuod may kakulangan sa ila antisipasyon ang gobyerno. Pero ini kuntani nga problema, kun may kabalaka ang tanan, mahimo mapahagan-hagan.
Ang syudad sang Iloilo nagahimo sang mga tikang agud mapahagan-hagan ini ngaproblema. Ini amo ang hugot nga pagpatuman sang anti-on-road parking ordinance. Plano nga ipa-deputize sa LTO ang mga kapitan sang barangay agud makapangdakop sang mga illegal parking kag on-road parking.
Ngaa bala kinahanglan pa naton nga mag-deputize sang mga opisyal sang barangay agud magbulig sa pagtapna sini nga problema? Ini bangud ang Filipino kun pabay-an malapas sang kasuguan para sa kaugalingon nga kasulhayan. Kun diri sa Pilipinas malapason kita sang mga kasuguan, apang kun sa luwas sang pungsod ginadayaw ang mga Filipino nga masinlundon sa mga kasuguan.
Kun tan-awon gid sang madalum, ini nga problema nasandig sa pagbinatasan. Kun ang tanan nagatuman sa kasuguan sa trapiko, indi maglala ang trapiko sa atun lugar. Disiplina lang tani mga kasama!/PN
[/av_textblock]
[/av_one_full]
