[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Matarong batok butigon
KUN IKAW ang kritiko, ikaw lang ang matarong; ang ginapakamalaut ang butigon. Pero kun ikaw ang ginapakamalaut, baliskad naman ang sitwasyon.
Kun sa ambahanon pa “Sino ang dakila, sino ang baliw?”
Pero sa nagakatabu subong sa gobyerno, sin-o ang butigon, sin-o ang matarong?
Depende ini sa aton ginatindugan nga posisyon sa isyu. Depende ina kun maka-duterta ka ukon oposisyon.
Sa sining mansig habuyanay sang alegasyon, mas nagalibog na ang ulo sang mga ordinary nga Filipino. Magbukas ka sa social media, mas kapareho sang mga mabangis pa nga sapat ang away sang mga netizens. Maka-duterte man kag maka-de Lima.
Sa pagdumala sang gobyerno nga-a kinahanglan gid nga mag-ilinaway? Nga-a bala sa gobyerno kinahanglan gid ang oposisyon?
And latid sang administrasyon kag oposisyon nabalay ini sa sadsaran nga ang nagapungko sa administrasyon may huyog nga mangawat sa kaban sang banwa kag mag-abusar sa poder. Samtang ang oposisyon, nagapakita nga sila matinlo kag tagpangapin sang ginapigos.
Ari naman kita, ginapigos naman ang ginabangil ta sa argumento.
Nga-a bala nga sa tagsa ka ginahimo sang administrasyon man ukon oposisyon, ang imol, kubos kag biktima sang inhustisya ang ila ginasiling nga gina-amligan? Teh nga-a madamo man bala ang naga-amlig sa mga imol, kubos kag biktima sang inhustisya, apang madamo sila sa gihapon nga nagabatas sa halos indi maantos nga sahi sang pangabuhi?
Ti-on na nga mangin-alamon kita nga mga anak-balhas sa pagtulon sang mga ginahungit sa aton nga impormasyon gikan man ini sa administrasyon ukon oposisyon. Ang administrasyon depensahan nila ang President samtang ang oposisyon, ginapaulanan nila sang atake ang administrasyon.
Balikan ko ang akun pamangkot. Nga-a bala kinahanglan gid nga magbangigay ang administrasyon kag oposisyon sa pagpatuman sang isa ka programa ukon kampanya? Nga-a bala indi sila mahimo magtingub agud matuod nga kaayuhan sang mga pumuluyo ang mahatagan sang katumanan? San-o pa bala matabu nga ang administrasyon kag oposisyon nagahugpong para sa kaayuhan sang tana?
Sa akun lang, ini nga mga hitabu sa administrasyun bunga lang sang personal nga interes. May personal sila nga interes nga ginadepensahan ukon luyag matuman gani nagasumpakilay ang ila tagsa ka panindugan.
Ang oposisyon isa ka palatandaan sang mapagros nga demokrasya. Ang administrasyon nga bukas sa kritisismo tanda sang bugana nga kahilwayan sa pagpahayag.
Sa hearing sang Senado sa extrajudicial killings, maathag ang tagsa ka biases sang mga senador. Maathag nga makita kun sin-o ang para kay Duterte, sin-o ang nagasuporta kay de lima. Ang kaladlawan lang ugaling kay sa ila pagpanginmatay sa ila kawsa, nag gwa nga daw nagakadulaan na sila sang matarong nga direksyon. Indi na kita makabanta kun sin-o ang matarong kag sin-o naman ang butigon.
Mabudlay ang maghukom santo lang sa aton nakita, nabasahan ukon nabati-an. Indi kila dapat maghatag sang gilayun nga panugdaun.
Mas labaw nga madamo sang manugpatalang subong sa social media, ilabi na sa Facebook. Gani sa mga aktibo sa sa social media mas labi nga mainusisaon sa mga mabasahan nga nakabutang sa social media. Indi magpati sa gilayun. Ikaw mismo magpangusisa kag i-verify ang kamatuuran sang impormasyon ukon balita nga makit-an kag mabasahan.
Sa masami, ipangkot sa kaugalingon: Sin-o ang butigon, sino ang matarong?/PN
[/av_textblock]
[/av_one_full]
