[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Sin-o na lang ang dangpan?
“SIN-O na lang ang maga-amlig sa publiko kun ang kapulisan mismo ang nagalapas sang kasuguan?”
Ini ang isa ka dako nga palamangkutanon nga nagatublag sa akun. Kag posible sa iban man nga Filipino. Kasunod ini sang paglanog sang balita nga napatay sa pagpangluthang si Albuera, Leyte mayor Rolando Espinosa Sr. matapos gin-alegar nagbato sa mga tinawo sang Criminal Investigation and Detection Group (CIDG) nga nagserbe sang search warrant.
May impormasyon kuno nga may armas si Espinosa kag ang kaupod sini sa karsel nga si Yap may ilegal nga droga. Apang bangud nagbato sa kapulisan, ginluthang sila nga gintunaan sang ila kamatayun.
Ginakabig sang mga mangin-alamon nga insulto sa kina-alam sang mga Pilipino ang pa-athag sang otoridad nga nagbato sa ila sanday Espinosa kag Yap. Dako nga palamangkutanon kay ara sa sulod sang pasildad sang gobyerno ang duha apang napatay pa…kag ang mas malala amo nga ang nakapatay sa ila ahente pa sang otoridad.
Ang kampanya sang gobyerno sa ilegal nga droga ma-athag nga sensiro. Handa sila nga magpatay kun kinahanglan magmadinalag-on lamang ini. Palatandaan sini sang nagakatabu nga extrajudicial killings (EJK). Pero mangin madinalag-on bala ini kun sa tagsa ka hulag sang gobyerno may dugo nga nagakaula, may kabuhi nga nagakadula, may asawa/bana nga nagakabalo kag kabataan nga nagakailo?
Ang Oplan Tokhang ukon toktok-hangyo (panuktok-hingyo) nagatuyo nga kumbinsihon ang mga drug pushers ukon users nga mag-untat na sa ila ginahimo kag magsungka sa otoridad. Dala ang promisa nga buligan sila nga magbag-o sang banas nga ginausoy. Bangud sa sini nga sadsaran, madamo ang nagtuman. Sa kabilugan may kapin na sa 770,000 ang nagsungka sa Oplan Katok kag ginabanta nga magalambot pa ini sa isa ka milyon. Pasalig sa ila amligan sila sang gobyerno kag mangin hilway sila sa katalagman.
Pero paano na lang kun sa sulod sang duha ka semana duha na ka high-profile drug personalities ang napatay kag ang may kahimuan amo pa ang kapulisan? May mangisog pa ayhan nga magsungka ukon basi manago na lang sila sang matuod-tuod?
Paano bala mangin makagalanyat ang panawagan sang gobyerno nga magsungka na ang mga drug personalities kun wala sila sang kasiguraduhan kay bisan ara ka na sa kamot sang otoridad mahimo ka pa nga mapatay? Pila na bala ka kaso sang mga arestado ang napatay sa kamot sang kapulisan sa rason nga nagbato kuno ang mga ini? Madamo na kag sigurado magadamo pa.
Mas makatalagam kun ang ahente sang otoridad na mismo ang nagapangamot sa paghimo sang krimen. Ilabi na kun may ara sang imprimatur sang commander-in-chief ang ila himuon. Ang mga pahayag ni President Duterte nga pangapinan, nga sagot nya ang kapulisan kun makasuhan bangud sa pagpatuman sang kasuguan, ilabi na kun problema sa ilegal nga droga, amo ang nagapaisog sa mga ini nga magpatay.
Daw sa ano bala nga Presidente ang imo salandigan, indi ka ayhan maghabok kag mangisog? Bisan pa silingon naton nga wala ginapasugtan sang gobyerno ang makahas nga ginahimo sang kapulisan kag imbestigaran ang may kasal-anan, indi madula ang kamatuoran nga mabudlay ibuyagyag ang kamatuoran. Ilabi na gid kun ang nakahimo sang krimen gobyerno kag gobyerno man ang maga-imbestigar. Sigurado wala ini sang padulungan.
Sa diin na lang bala magadalagan ang katawhan kun ang otoridad amo mismo ang nagadala sang katalagman?/PN
[/av_textblock]
[/av_one_full]
