[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Doble nga pasakit
DOBLE nga pasakit! Ini ang pagkabig sang mga martial law victims sa pagpabor sang Korte Suprema sa pagpalubong sa anay diktador nga si President Ferdinand Marcos sa Libingan ng mga Bayani (LNMB).
Suno sa Korte Suprema wala sang balasehan ang argumento sang mga nagapamatok nga pambayad utang ni President Rodrigo Duterte ang iya pagpasugot nga malubong sa LNMB si Marcos. Wala man sang ginalapas nga kasuguan ang pagpalubong kay Marcos sa lulubngan nga napain para sa mga baganihan, soldado, artists kag presidents.
Matuod legal ang pagpalubong sa iya sa LNMB. Apang ini bala moral kag mabaton sang sosyodad nga nagahatag sang dako nga balor sa tawhanon nga kinamatarong?
Kami nga mga ulihing tubo nga wala naka-agi sa mapintas nga kamot kag matalum nga kuko sang martial law indi makabatyag sang tuman nga kasakit sang desisyon sang Korte Suprema.
Sin-o gid bala si Marcos nga-a ginabalabagan ang paglubong sa iya sa LNMB?
Si Marcos nangin president sang Pilipinas sang kapin sa 20 ka tuig. Nangin diktador kag nagdeklarar sang martial law nga nangin kabangdanan sang malapnagon nga paglapas sang tawhanon nga kinamatarong, pagkadula sang mga aktibista, torture sa mga nagakontra sa gobyerno kag pagpamatay sang mga katapo sang media. Ini tuhay pa sang dako nga kwarta nga gina-alegar ginkawat nila sang iya pamilya kag cronies sa kaban sang gobyerno.
Si Marcos ang ginasiling nga nakapatindog sang madamo nga proyekto sa infrasture, kaangay sang dalan, tulay lakip na ang palpak nga nuclear power plant sa Bataan nga ginpangutanan sang Pilipinas apang wala naman napuslan.
Para sa mga sumalakdag sang pamilya Marcos, baganihan ang anay diktador. Pero sa bahin sang mga biktima, pasakit lang ang dala sang mga Marcoses sa pungsod. Sa linibo nga mga biktima sang human rights abuses kag sa binilyon ka pesos nga kinawat sa kaban sang gobyerno, paano bala mabaton sang mga agrabyado nga ilubong pa sa lulubngan lamang sang mga halangdon ang isa ka mapintas nga lider kag anay diktador?
Doble ini nga pasakit sa mga biktima sang mga Marcoses. Doble bangud wala pa sila nakabaton sang hustisya, apang subong hatagan pa sang lubong nga para lamang sa mga baganihan si Marcos.
Madamo na sa aton ang nalipat sang kapintas sang mga Marcoses. Ini nakita kun paano dyutayan lang nangin bise president ang junior niya nga si Bongbong Marcos. Siguro ang nabilin nga nagadumdum sini amo lamang ang nabiktima sang martial law kag ang ila mga pamilya.
Mas masakit pa gid kun sa 2022 nga election basi Marcos na liwat ang aton president! Matuod nga lain man ang amay sa anak. Pero ang hulobaton nga indi mamunga sang santol ang bayabas, indi malayo nga mahatagan sang kamatuoran sa mga Marcoses.
San-o pa ayhan makatuon sang leksyon ang mga Pilipino? Indi lamang kita makasiling nga kalipatan na lamang ang tanan kag magpatawad. Ang batasan sang mga Pilipino nga mapinatawaron isa ka positibo nga bagay. Apng kun tani indi lang ini mag-apply sa mga Marcoses. Ini bangud indi lang gatos kundi ginatos ka libo ang nahalitan sang rehimeng Marcos nga ginpanginpuslan sang iya pamilya kag mga cronies.
Kun ano man nga kabudlayan sa kabuhi may ara kita subong, nagsugod ini sa administrasyon ni Marcos. Tubtob subong gina-abaga pa sang ulihi nga henerasyon ang kasakon sang rehimeng Marcos.
Kun nagsala man sa pag-appreciate sang kamatuuran ang Korte Suprema sa isyu sang Marcos burial, kabay nga indi magsala ang mga Pilipino nga pabalikon pa sa Malacañang ang mga dugo sang diktador./PN
[/av_textblock]
[/av_one_full]
