[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
‘The American Dream’
THE American Dream … tuguti ninyo ako nga maggamit sang Ingles sa tig-ulo sang akun pautwas subong.
Suno kay James Truslow Adams sadtong 1931, ang kahulugan sang “The American Dream” amo ini: “Life should be better and richer and fuller for everyone, with opportunity for each according to ability or achievement regardless of social class or circumstances of birth.” Ini nga kahulugan sang “The American Dream”– maathag nga nagapangako sang mayo nga kabuhi sa Amerika bisan ano man ang estado sang imo kabuhi bangud nasandig ini sa imo ikasangkol.
Ini ang kabangdanan nga ang tanan nagapalanglapaw ang handum nga magpa-Amerika.
Para sa kadam-an sang mga Pilipino ang Amerika lugar sang “gatas kag dugos.” Ini ang pungsod nga katumanan sang ila handum nga makatibawas sa kapigaduhon. Madamo ang nagsugal kag nagpuyo sa Amerika nga wala sang legal nga papeles. Nagpangisog sila magsugal sang ila palaabuton bangud sa pagpati nga makadala sila sang katibawasan indi lamang sa ila kaugalingon kundi labi na sa ila pamilya. Madamo na ang nagakabuhi sang masulhay bangud sila may pamilya sa States. Apang sa pihak sang madamo nga nagmadinalag-on may pila man ka napaslawan. May mga pamilya man nga halos nalipatan na sang ila himata nga ara sa States.
Sa gihapon padayun nga naga handum ang mga Pilipino nga makalakat kag makatrabaho sa Amerika. Bisan ako man nagahandum sang matam-is kag malapuyot nga kabuhi sa Amerika.
Nga-a bala amo na lang ini ang paghangad sang mga Pilipino sa States? Ini bala bunga sang kolonyal nga mentalidad? Ukon matuod nga handum sang kauswagan?
Ang kabuhi sa Pilipinas indi patas. Masakit bangud kapareho nga Pilipino naga-discriminate man sang Pilipino. Makitid ang oportunidad sa Pilipinas. Sa mga nurses lang halimbawa. Ang Pilipinas naga-produce sang linibo ka mga lisensyado nga nurses kada tuig. Sa kagamay nga pungsod apang madamo sang nurses. Nga-a madamo ang mga nurses? Ini bangud nga nagapaminsar sila sang maayo nga oportunidad sa luwas sang pungsod, ilabi na sa Amerika kun sa diin dako ang ginahatag nga balor sa ikaayong lawas. Kun sa Pilipinas lang, diin man abi mang-empliyo ang mga nurses?
Kun ikaw ordinary nga tawo, paano bala malambot ang imo American Dream? Indi mahapos ang magsulod sa States. Maid-id ang proseso sang application. Diin ka bala magapalapit agud matuman ang imo handum?
Ang immigration laws sang Amerika estrikto pero kun ma-comply nimo ang mga requirements, wala nagadalok ang embahada sa paghatag sang visa. Ang importante lang matuod ang imo tanan nga ginahatag nga data kag impormasyon bangud ang US may pamaagi kun paano mabukad ang imo pribado nga kabuhi kag impormasyon.
Subong nga nagdaug si Donald Trump, malauman na ang mas estrikto nga pagpatuman sang immigration laws. Ang tanan nga mga illegal immigrants sa States nagatihin na sa ila panglakat.
Kun sa Saudi may Saudization, indi man malayo nga may Americanization. Meaning ang mga Kano ang mas una nga hatagan sang oportunidad sa trabaho kag palangabuhian sa diin man nga bahin sang US.
Pero kun ikaw legal ang pagpuyo kag pagtrabaho sa US, wala man sang dapat kabalak-an kay ang US amo ang pungsod nga nabalay sa legalidad ang hulag para sa ila mga pumuluyo. Indi kaangay sa Pilipinas nga otoridad pa mismo ang nagahalit sa kapareho nga Pilipino.
Indi pa man ulihi siguro para sa akun magsunod man sang akun American Dream. Kun san-o man ina, depende na sa sitwasyon.
P.S. Best regards kay Josie Moralidad-Ziman, ang akun anay colleague nga subong madinalag-on na kag natuman ang iya American Dream!/PN
[/av_textblock]
[/av_one_full]
