PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’ PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]

Indi patas ang sosyodad!

SA TANAN nga bagay ginakabig gid nga labaw ang kalalakihan sa mga kababaehan. Sa hulubaton pa: “Pakayaon pakulbon, lalaki man gihapon.” Ang pamangkot, nga-a ang babaye nagatigbaylo haw?
Base sa sini pa lamang nga hulubaton, may diskriminasyon na kontra sa kababaihan. Maathag nga ang lalaki pwede makapakasal pero nungka gid ang babaye. Ini bangud nga mas mahuyang kuno ang babaye. Bisan sa korte, mas maid-id ang kasuguan sa kababaihan nga nagasulod sa sala nga relasyon.
Sa mga higayun nga ang babaye nakasulod sa sala nga relasyon, madasig gid ang sosyodad magpakamalaot. Pero kun lalaki ang makasala, mahapos lang magpangayo sang kapatawaran.
Subong nangin mainit nga isyu ang pag-ako ni Sen. Leila de Lima nga nakarelasyon nya ang iya anay driver-body guard nga si Ronie Dayan nga kasal sa iya asawa. Madamo ang madasig nga naghatag sang ila konklusyon kun nga-a nakarelasyon ni de Lima si Dayan. Kesyo mahilig sa sex ang senador kag kun anu-ano pa nga mga pagkondinar.
Para kay de Lima, ang iya rason amo ang “frailties of a woman” ukon ang kahuyang bilang isa ka babaye. Ini nga balibad indi mabaton sang publiko. Suno sa mga kontra-de Lima, katol lang gid ang rason.
Pero sang si President Rodrigo Duterte ang nag-ako nga maluwas kay Honeyllete may nakarelasyon man sya nga babaye, nga-a nagpalakpak pa ang kadam-an? Manami gid ya si Tatay Digong kay honest. Wala sya nagabutig. Amo lang na nga rason? Tuod kamo? Hu may gaaaaddddd!!!!
Nagabaha naman ang social media sang balusay sang mga Yellowtards kag Dutertards sang pangapin sa ila ginadampigan kag pakamalaut sa ila kasumpong.
San-o pa bala mangin patas ang sosyodad sa babaye kag lalaki? Pareho man lang sila nga nagsulod sa sala nga relasyon pero nga-a bala mas ginapakamalaot ang isa? Indi lamang bangud oposisyon ang senadora. Ini labaw sa tanan, bangud babaye sya. Ang babaye abi kun makasala may mabilin gid nga palatandaan sang pagpakasala bangud sila ang nagabusong.
Sa kamatuuran lang, madamo sang mga bagay nga mas labaw ang babaye kun ipa-anggid sa lalaki. Pero ang kahuyang lang nila ang masami nga nakita.
Sang nakaligad nga duha ka semana ginhambalan diri sa isa ka workshop ang anti-discrimination bill. Nakita diri nga padayun ang paglapnag sang diskriminasyon sa mga kababaihan, kabataan, katigungalan kag sa mga agi kag tomboy. Diri ginhambalan kun paano mahimo nga patas ang tanan sa pagtulok sa tagsa-tagsa.
Nga-a bala nga indi patas ukon bias kita sa iban? Indi makabutig ang sin-o man nga bisan sa makaisa kun indi gid man masami, nangin manubo ang panulok ta sa iban bangud lamang sang ila hitsura, pamiste kag bisan sa tono sang panghambal. Tanan kita may biases. Wala sang isa sa atun nga patas sa tanan nga dealings. Bias kita pabor sa atun ginadampigan.
San-o pa ayhan kita maka-angkon sang sosyodad nga patas ang pagtatap sa tanan?
Kinahanglan ta gid bala ang isa ka kasuguan agud mangin patas kita sa tanan? Ukon base pwede man matabu nga mag-umpisa sa atun kaugalingon ang balanse nga pagpakigsimpon sa kadam-an.
Dulogan na naton ang ini nga bagay.
Pareho lang na nga nakasala sanday Duterte kag de Lima sa ginasunod nga moralidad sang mga tumuloo. Suportahan ta lang ang aton ginadampigan. Mangin brilliant sa pagpahayag sang panan-awan. Indi magkondinar, sa baylo mangin tagpalapnag sang paghirupay nga nabase sa pondasyon sang bukas nga pagbaton kag panan-awan sa mga bagay nga ara sa aton palibot.
Kun indi man patas ang sosyodad, bisan ikaw na lang mangin patas ka man!/PN
[/av_textblock]

[/av_one_full]