PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]

Gugma sampat sa pulitika

ANG PAGHIGUGMA amo ang pinakamatam-is kag pinakapait nga balatyagon. Ini ang makadala sa isa ka tawo sa pareho nga kadalag-an ukon kalaglagan. Samtang kita tanan nagasulod sa paghigugma sa handum nga maka-angkon sang kalipay, may iban nga nag-ani naman sang kasakit kag pagkagha sa ila dughan.

Sa pamulitika subong sa Pilipinas ma-athag nga ang paghigugma (kun may ara gid man) amo ang naghatag sang kalaglagan kay Sen. Leila de Lima – ang iya paghigugma kay Ronnie Dayan, ang iya anay driver-bodyguard sang sya pa ang nagapangalagad bilang tiglikum sang Departamento sang Katarungan (DOJ).

Kun si de Lima pam “frailties of a woman” ukon ang kahuyang sang babaye ang kabangdanan kun nga-a nagkarelasyon sya sa iya driver-bodyguard nga may asawa na. Subong nga nadakpan na si Dayan, base mas madalman na si de Lima sa isyu sang iya kahilabtanan sa ilegal nga droga. Pamatuod lang nga ang paghigugma makadala sa kalaglagan sa tawo kun indi mahalungan sang husto.

Sa maragtas sang pulitika sa kalibutan, delikado kun magsimpon ang gugma sa politika. Ina ang rason sang kalaglagan sang mga kilala nga lider sa pungsod.

Sa akun lang nga henerasyon, madumduman ko kun daw ano ka dako ang kontrobersiya sa isa ka world leader – ang natabu nga eskandalo sa tunga nanday US President Bill Clinton kag Monica Lewinski.

Si Lewinski amo ang White House Intern nga gin pahayag nag blowjob kay Clinton sa Oval Office.

Bangud sang eskandalo, ginpasakaan sang impeachment complaint si Clinton apang wala nagmadinalag-on.

Diri sa Pilipinas madamo sang mga kilala nga personalidad nga madinalag-on sa ila propesyon apang malas naman sa paghigugma.  Siling sang mga malapit sa anay diktador nga si Ferdinand Marcos, ang iya paghigugma kay Imelda ang nagdala sa iya sa kalaglagan.

Gina alegar nga kun si Marcos ang sundon, nangin maayo sya nga lider sang Pilipinas apang bangud sang abusar sa poder sang anay First lady nga si Imelda, naglala ang kagarukan sa gobyerno.

Nagkabuhi si Imelda sa garboso nga pagsinalayo. Linibo ang sapatos, milyones ang balor sang mga alahas kag iban pa nga pag-abuso sa kwarta. Bangud nga palangga sya sang president, gin pabay-an sya nga mag-usar sang manggad sang gobyerno. Ini ang kabangdanan nga bisan malawig na nga panahon ang nakaligad, indi gihapon mapatawad sang madamo nga mga Pilipino ang mga Marcoses.

Sang panahon nga gin palayas man ana presidente nga si Joseph “Erap” Estrada, isyu man ang madamo niya nga mga asawa. Pero bangud sang iya pagkaresponsable sa mga nangin babaye sa kabuhi, nabaton na man lang ini sang mga Pilipino. Pamatuod diri ang pagdaug pa ni JV Ejercito sa pagka-senador. Si JV anak ni Erap sa aktres nga si Guia Gomez kun sa diin nakaupod pa niya sa hingapusan nga bahin sang termino ang half-brother nga si Sen. Jinggoy Estrada nga anak ni Erap sa orig nga si Sen. Loi Estrada. Matuod gid nga ang gugma kag pulitika sampat.

Indi man gale malipatan si Sen. Ramon Revilla Sr. nga pila man ka bilog ang kabataan sa nagkalain-lain ga babaye.

Ini nga mga estorya sang paghigugma sang mga politiko amo lang ang hayag. Wala pa diri nabuyagyag ang extra-marital affairs sang iban nga mga kongresista kag senador. Ini mga tago nga relasyon nga ginabuhi man ang ila babaye sang kwarta gikan sa kaban sang gobyerno.

Ang pagsagod sang sobra sa isa ka asawa isa sa nagaduso sa politiko nga nga mangin korap. Diin sya abi makuha sang isustento sa pila ka bilog nga kerida kun saligan lang ang ila sweldo?

Ang gugma kapid na sang pamulitika sa Pilipinas. Pila lang ayhan sa mga politiko subong ang tampad sa ila asawa/bana?

Balikan ta ang kaso ni de Lima…diin ayhan sya dal-on sang nangin resulta sang iya paghigugma kay Dayan?

Sigurado nga ang matam-is nga gugma nga ila ginsaluhan ni Dayan mangin mapait na kaangay sang manunggal sa kabuhi sang senadora.

Hay, basta ang gugma ilakip sa pamulitika, sigurado gid nga may kalaglagan ka!/PN
[/av_textblock]

[/av_one_full]