PAUTWAS!

[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]

[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]

[av_textblock size=” font_color=” color=”]

Pangamuyuan ta si Presidente Duterte

PANGAMUYUAN ta ang President. Sa kadamuon sang problema nga gina-atubang sang aton pungsod, nagakinahanglan sang super powers ang sin-o man nga lider sang Pilipinas.

Sini nga semana naglapta ang text messages sa mga katapo sang media nga naga-cover sa Malacañang nga nalipong kuno ang President. Ini wala ginpanginwala kag wala man gin-ako sang mga tagpamaba ni Duterte. Siling lang ni Presidential Communications secretary Martin Andanar maayo ang panglawason kag paminsaron sang President.

Sa edad nga lapaw na sa 70 anyos, mabudlay na para kay Duterte nga makapoy. Dapat husto ang tulog kag likawan ang mga stressful nga sitwasyon. Pero bilang lider sang pungsod indi sya makalikaw sa sini nga mga sitwasyon. Dugangan pa sang iya mga gabinite nga tanan gusto mangin tagpamaba sang gobyerno, ma-stress ka gid man.

Pangamuyuan naton ang President nga sa pihak sini nga mga hitabu, malampuwasan niya ang mga kasablagan sa ika-ayong lawas.

Indi lang para sa ika-ayong lawas pangamuyuan ang President. Pangamuyuan man naton si Duterte nga indi sya magdeklarar sang suspension sang writ of habeas corpus nga makabig prelude na sa pagpatuman sang martial law. Kabay unta nga indi mangdulom ang paminsaron sang Presidente.

Kun tan-awon naton ang mga hitabu subong sa pungsod, ka-angay nga ginakondisyon na ang utok sang publiko nga magamo ang Pilipinas. Gikan sa malapnagon nga problema sa ilegal nga droga tubtob sa inaway sa Mindanao, bomba nga nakita sa basurahan malapit sa US Embassy kag ang pag-ambush sa convoy sang advanced party ni President Duterte sa Marawi city, rally kontra sa paglubong sa anay diktador nga si Ferdinand Marcos kag madamo pa nga hitabu, daw magamo gid ang Pilipinas. Sa makapila ka beses, nakahambal na si Duterte nga ginapaminsar niya nga suspendihon ang writ of habeas corpus bangud sang nagakatabu nga gamo sa pungsod. Baw kabay pa nga indi lang.

Pangamuyuan naton ang Presidente nga mangin matarong ang iya paminsaron. Kun si Ombudsman Conchita Carpio-Morales pa, “Indi bangud nga pwede, himuon mo.” Matuod ina.

Samtang ang himuon nga tikang ni Duterte santo sa kasuguan, indi tanan nga legal matarong kag makapaayo sa kadam-an.

Kun balikan naton ang maragtas sang Pilipinas, nangin maayo bala ang nadulot sang martial law sa kadam-an? Tungod sa martial law nagpabilin sa poder si Marcos kag nakahakot sya sang manggad nga naga-alalawas samtang madamo ang nabiktima sang pagpang-abuso. Ginapakita sang mga hitabu sa iban nga pungsod nga ang martial law nagabunga lang sang pag-abuso ka-angay sang nagkatabau sa Myanmar nga ginpamunuan man sang military junta.

Kinahanglang gid naton nga pangamuyuan ang Presidente indi lamang para sa iya kaluwasan kundi para man sa atun kaugalingon nga kaluwasan. Pangamuyuan ta sya nga indi mamati sa hutik ni Salvador Panelo nga amo ang daw nagahandum sang martial law para sa pungsod.

Matuod may problema kita sa ilegal nga droga. May problema kita sa Muslim rebellion sa Mindanao kag problema man ang korapsyon sa gobyerno. Pero indi ini tuman nga kabangdanan para sa martial law.

Sa tampad nga sugilanon, bilang isa ka Pilipino, kinahanglan ta nga pangamuyuan ang aton lider. Dapat pangamuyuan naton ang kaluwasan ni President Duterte. Indi lamang sa balati-an kundi sa kaluwasan man sa malaut nga mga desisyon!/PN
[/av_textblock]

[/av_one_full]