[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Snatcher nga kongresman
HALOS madala man ang akun luha sa estorya sang isa ka lisensyado nga nars nga nag-apply sa isa ka pampubliko nga ospital. Ini bangud nga ang posisyon para sa iya gin-snatch sang isa ka kongresista agud ihatag sa iya manok bisan pa nga wala nakapasar sa pasinawan kag praktikal sa hospital.
Ang estorya amo ini:
Nagkuha ang nars kaupod sa kapin 200 ka iban pa nga aplikante sa isa ka public hospital diri sa Iloilo. Luyag man kuntani sining bataon nga nars nga makuha ang isa sa lima ka bakante nga posisyon sa pagka-nars sa ospital nga ini.
Matapos ang exam kag praktikal, kampante ang bataon nga nars kay mahapos man lang ang exam kag praktikal nga lunsay niya naagyan sa eskwelahan. Pero nakabaton sya sang tawag gikan sa hospital nga wala sya kuno nakapasar. (Kun wala sya nakapasar, ngaa abi mag-usik gid sang tion ang hospital management nga tawgan sya kay sa kadamo man sa ila nagkuha sang exam kag lima lang ang kuhaon?) Te, siling nya, OK lang, indi gid man guro para sa akon ang posisyon.
Makalipas ang pila ka adlaw, nakabaton liwat sya sang tawag nga mag-report sa hospital (tatlo ka adlaw matapos ang tawag) agud magpa-idalum sa interview kay nakapasar sya sa exam kuno.
Nakibot ang bataon nga nars pero syempre excited sya. Ginbaklan sya sang iloy sang manami nga polo bilang paghanda sa adlaw sang interview. Pero antes ang gintalana nga adlaw gintawgan sya nga wala sya kuno nakapasar gani indi sya magkadto para sa interview.
Sus, daw tinabunan sang langit ang bata.
Ang nanay nagsiling nga, sige lang anak, indi gid guro para sa imo ang posisyon nga na. Pero ang iloy naghibi sang patago sa kalooy sa anak.
Naggwa ang estorya nga ang posisyon para sa bataon nga nars ginpilit kuha ni kongresman kag ihatag sa iya kilala kag supporter. Inibisan pa nga isa ang bataon sa lima lamang nga nakapasar sa exam. Ini mismo ang gin-ako sang isa ka insider sa natungdan nga hospital. Double whammy ang sakit, indi bala? Sining karon lang gintawgan sya kag ginpakuha liwat sang exam. Siguro pag-ulo-ulo lang ini.
Nagapamati ako sang estorya sang iloy sa iya amiga nga nagapautwas, daw matulo man ang akun luha.
Samtang nagapangabudlay ang iban agud makasulod sa trabaho sa gobyerno, ining kongresman gin-agawan niya sang matahum nga kapalaran ang bata para lamang matuman ang iya pamulitika. Masakit para sa isa ka iloy ang natabo sa iya anak.
Ini isa lamang siguro sa katuntuhan nga ginhimo sini nga kongresman. Ini nga kongresman mahilig sa media kag mahilig magpahamot sang ngalan nya kay damo kuno project nya.
Nami sya mag-project sang kaugalingon gale kay lansidor man nga klase kongresman. Mahilig mag-pressure sa iban agud makuha ang iya gusto.
Pautwas lamang ini sang isa ka iloy nga akun nabati-an kag luyag ko man ipautwas agud mahibaluan sang kadam-an ang kalakaran sa pagsulod sa gobyerno. Maathag nga kun wala ka sang backer, indi ka gid makasulod sa gobyerno.
Ipkorito nga klase kongresman, hambal pa sang nanay. Wala kalooy sa pinangabudlayan sang bata sa eskwelahan.
Sin-o ini nga kongresman?
Abi pakta nyo! (Sa kumento kag reaksyon, mag-email sa jfranco1975@yahoo.com/PN)
[/av_textblock]
[/av_one_full]
