[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading tag=’h3′ padding=’10’ heading=’Masubo nga Paskwa para sa mga katapo sang media’ color=” style=’blockquote modern-quote’ custom_font=” size=” subheading_active=’subheading_below’ subheading_size=’15’ custom_class=”]
BY JOEL FRANCO
[/av_heading]
[av_textblock size=” font_color=” color=”]
PASKWA na naman. Tanan nagalaum sang masadya kag bugana nga kahimtangan. Masako ang tanan sa paghanda sang ila saluhan pag-abot sang tungang gab-i sa Disyembre 25. Ang pagkalangkag nga makaupod ang ila pamilya halos indi na matakos.
Pero kumusta naman ayhan ang mga katapo sang media nga wala sang holiday sa pagpangita sang balita ilabi na ang radyo kag telebisyon?
Ang trabaho sang media, wala sang bakasyon ukon holiday. Indi mapaktan kun san-o magalupok ang dalagko nga mga balita. Amo na bala ang sitwasyon nga kun diin ang balita dapat didto man ang media kag mas una pa sa pulis kun kaisa.
Ginahangad sang kadam-an ang mga media personalities. Siling sang mga fans, kanami sang kabuhi sang media. Huo manami, masadya kag tuman ka makahalawat-hawat kag, labaw sa tanan madamo ka sang mabuligan.
Indi man makabig nga magarbo nga trabaho ang media pero kaangay sang akun ginaobrahan nga kumpaniya, ang RMN, kag ang management sang sini nga pamantalaan, wala ginapabay-an ang ila mga empliyado. Ang mga benipisyo ginahatag kay may mga prebilihiyo pa nga iya lang sang kumpaniya boluntaryo nga ginahatag.
Ang masubo lang sa kabuhi sang media amo nga sa mga okasyon nga kuntani tingub sila sa pamilya, amo pa ang mga ti-on nga ara sila sa trabaho. Sa malawig nga tinuig nga pagtrabaho ko sa media ilisipon lang sa tudlo ang akun pagsaulog sang Paskwa kag iban pa nga okasyon bangud sang akun trabaho. Masubo man apang ang serbisyo publiko kag trabaho agud makahatag sang maayo nga kabuhi sa pamilya amo ang nagapangibabaw.
Sa tagsa nga mag-abot ang Paskwa, masadya lang nga nagaatubang sang mikropono kag nagasulta sang balita. Pero ang pinsar ara sa pamilya kun paano bala ang ila pagsaulog sang Paskwa. Kasubo ang kaupod sa pagdumdum sang Paskwa apang may kasadya naman sa pagpangalagad sa publiko.
San-o pa ayhan ang ti-on nga mangin bug-os ang pamilya sa pagsug-alaw sang Paskwa? Apisar nga may prebelihiyo man nga makabakasyon apang ginasigurado gid nga ara sa duty sa sini nga mga ti-on. Kadam-an sang mga kumpaniya nagadumili na sang malawig nga bakasyon kun Disyembre bangud diri masako ang trabaho.
Sa pihak sini wala sang paghinolsol nga nagatuman sang katungdanan nga magbantay sa sosyodad sa tanan nga ti-on.
Nagapasalamat lang kami sa mahinangpanon nga pamilya nga nagasuporta sa trabaho apisar nga kulang na sang ti-on para sa ila. Salamat sa paghangup kag padayun nga suporta. Ini tanan para sa atun tanan.
Masubo man pero sa paglipas sang panahon, kun isipon ang mga nahatagan sang serbisyo, may kalipay man sa pihak sang tanan.
Malipayun nga Paskwa sa atun tanan!/PN
[/av_textblock]
[/av_one_full]
