[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Komersyalismo sang Paskwa, likawan
MASADYA nga mga ambahanon, maduagon nga mga dekorasyon, matam-is nga mga yuhum sang katawhan kag Santa Claus sa mga malls — pila lamang ini sa makita nga simbolo sang Paskwa. Ini nga mga simbolo, simbolo nga gina-commercialize na ang pagsaulog sang Paskwa.
Para sa mga tumuluo, ang matuod nga simbolo sang Paskwa amo ang Nativity Scene, ukon ang lugar kon sa diin nabun-ag si Hesus, baby Jesus, kandila, star, insenso, bulawan, mira, kag iban pa.
Apang kun tan-awon, mas nahatagan sang dako nga pagtamod si Santa Claus kun ipaanggid kay Hesus. Maathag nga negosyo na gid ang pagsaulog sang Paskwa. Sa tanan nga ti-on ginaangut na ang Paskwa sa mga regalo nga mabaton. Ginatakos ang kalipay sa mga materyal nga bagay nga mabaton sa baylo nga ang grasya sang kaluwasan nga gindala sang pagkabun-ag ni Hesus.
Paano bala malikawan nga indi mangin commercialized ang pagsaulog sang Paskwa?
Una, himuon ang Paskwa nga para kay Hesus labaw sang sa pagbaton lamang sang regalo. Sa baylo nga magpaminsar sang iregalo sa kabataan, ganyaton ang mga kabataan nga maghimo sang regalo para kay Hesus.
Maghimo sang mga hilikuton nga masami sa sulod sang panimalay nga naka-focus kay Hesus. Maghatag sang donasyon sa mga charitable groups antes maggasto sa pagbakal sang regalo.
Ikaduha, mag-budget para sa regalo. Maggasto lamang kun ano ang may ara. Indi magpangutang para lamang makaregalo. Kun may utang, magpain sang budget para bayaran ini bisan sa gamay lang nga kantidad.
Dapat may self-control. Ang pagbakal sang regalo gamit ang credit card ukon utang nagakahulugan lamang nga nagagasto ka para sa bagay nga wala ka sang ikasarang.
Kag ang ikatatlo, saulugon ang Paskwa paagi sa mga homemade nga regalo. Tudluan ang mga kabataan nga maghimo sang regalo para sa iban. Mas mapahilayo sa commercialism sang Paskwa ang mga kabataan kun magregalo sila paagi sa ila skills kag creativity. Mas matahum ang mensahe sang ginhimo nga regalo kun ipaanggid sa ginbakal lamang.
Tandaan nga ang pagbaton sang regalo masadya sa dughan pero mas makapahalipay sa tanan ang paghatag. Pinakamaayo nga pagsaulog sang Paskwa amo ang paghatag sang dungog kay Hesus.
Ini nagakahulugan nga ang pasaulog sang Paskwa indi nabase sa materyal nga bagay. Focus kay Hesus, maghatag kag indi lang magbaton.
Malipayun nga Paskwa sa tanan!/PN
[/av_textblock]
[/av_one_full]
