[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Bias sila!
MAKALOLOOY man si Bias. Sya na lang ang malain. Sya na lang ang ginabasol. Sya na ang manugguba kay President Rodrigo Duterte.
Pobre ka man Bias!
Ano kag sin-o gid bala si Bias?
Ang bias amo ang paghusgar pabor ukon kontra sa isa ka tawo, bagay ukon hitabu.
Sin-o ang bias? Sin-o ang patas?
Sa ginsuguran ang biases amo ang nagagahum sa aton – ang aton personal nga panan-awan kag balatyagun sa mga hitabu ukon isig-katawo sa aton palibot.
Sa masami nagasiling kita nga bias ang isa ka tawo kun ang iya panindugan kontra sa aton. Tanan nga bagay nga wala nagasunod sa atun kagustuhan ginatan-aw naton nga bias kontra sa aton. Pero wala kita nagareklamo sang bias naman pabor sa aton.
Kun aktibo ka sa social media tanan nga ginahambal sang maki-Duterte, bias ang tanan nga media. Ini bangud nga negatibo ang balita nahanungod sa President. Ginakontra, ginapakahuy-an kag ginapahog pa ang mga manunulat sang balita. Ini bangud wala nila naluyagan ang balita sa Presidente. Bias kuno ang media.
Pero wala man nila ginasiling nga bias man ang government media kay lunsay lang pabor sa President ang ila ginabalita sa pihak sang mga negatibo man nga mga pahayag sang President.
Wala kita sang kinamatarong nga mag-akusar sa media nga bias kay wala sang tawo sa kalibutan nga patas. Buot ko hambalon, tanan kita bias sa iban, pabor man ukon kontra sa ila.
Ang bias nga ginatawag indi lang pagbutangan sang negatibo nga konotasyon. Ang bias may positibo man nga aspeto.
Tandaan naton nga kun wala sang biases ang tawo subong, wala sang matarong nga matabu sa kalibutan. Ang biases amo ang nagaduso sa aton sa paghimo sang matarong nga desisyon. Ini ang nagadikta sa aton kun diin kita nga huyog magapabor. Sa positibo ukon negatibo.
Ang biases naton nagadepende ini kun ano ang pabor kag kontra sa aton. Ang pabor sa aton wala naton ginakabig nga bias. Ang bias lang sa aton panan-awan amo ang negatibo kontra sa aton.
Sa naga akusar sa media nga bias, dapat mahangpan nyo nga ang balita nasandig lang ina sa ginabungat sang ginakuhaan sang balita.
Ang media mahimo nga magpaggwa lang sang name nga balita sa tanan nga ti-on. Pero ang media nga lunsay lang alleluia sa tanan, delikado. Ano ayhan ang matabu kun ang media lunsay lang pagdayaw ang balita sa administrasyon?
Sa inyo pamatyagan, dalayawon bala ang mga mahigko nga tinaga nga nagakawas sa aton President?
Paano bala tonohon sang media ang balita kun ang nagakawas sa baba sang ila news source negatibo man?
Kun gusto sang administrasyon nga manami ang balita, dapat manami man ang magkawas sa baba sang mga opisyal.
Ang negatibo nga mga pahayag sang President kay US President Barack Obama kag United Nations secretary general Ban Ki Moon, indi man mahimo nga ipaggwa nga pagdayaw sa ila nga duha bangud indi amo ina ang mga pahayag sang aton lider.
Sa sini nga punto, paano makasiling ang iban nga bias ang media? Tandaan nga ang media nagareport lang kun ano ang ginahambal sang President.
Kun gusto nila maayo nga balita ang maggwa sa media, dapat maayo man nga akto ang ila ipakita sa publiko.
Indi ka mag-akusar sa iban nga bias kay ikaw bias man, ugaling bias nga pabor man sa imo.
Tanan kita bias! Tanan kita may kaugalingon nga ginatindugan, pabor man ukon kontra sa iban!/PN
[/av_textblock]
[/av_one_full]
