[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ma’am, ang loyalty pay kag step increment namon diin na?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
MA’AM sa diin na? Ini ang palamangkutanon sang mga manunudlo sa elementarya nga sakop sang Division of Iloilo nga amo ang probinsya sang Iloilo.
Ang Division of Iloilo amo ang isa sa pinakadako nga schools division sa bug-os nga pungsod, pero amo man ang pinakaproblemado nga klase sang opisina. Problemado bangud madamo na sang nagareklamo bangud sang mga delays sa benipisyo, proseso sang hiring kag bisan ang sweldo anay sang mga contractual kinder teachers.
Subong nga naggwa ang suspension ni Schools Division Superintendent (SDS) Dr. Myrna Castillo bangud sang reklamo nga nepotismo, liwat nagtuluhaw ang mga problema kag reklamo sang mga manunudlo.
Nagapanguna nga reklamo amo ang indi pag-release sang step increment kag loyalty pay sang mga manunudlo sa elementarya. Ang step increment amo ang saka sa sweldo sang manunudlo kada tatlo ka tuig kun wala sya sang promotion nga nabaton. Kun pila ini wala kita nakahibalo kay may formula ang computation sini.
Ikaduha nga reklamo amo ang kapaslawan sang Division of Iloilo nga i-release ang loyalty pay sang mga manunudlo. Ang loyalty pay amo ang ginahatag sa mga manunudlo nga may napulo ka tuig nga serbisyo. Dapat may ara sila sang P500 kada tuig sang serbisyo nga ginahatag dapat sa pagsukat sa ikanapulo nga tuig kag dapat nga ihatag kada lima ka tuig.
Ang nagakatabu sa Division of Iloilo, madugay na nga wala naga-release sang loyalty pay kag step increment. Bisan panahon pa kuno ni anay Division Superintendent Raymundo Lapating wala na ini na-release ang para sa elementarya.
Ngaa amo ini ang nagakatabu haw? Sa diin ang budget nga ginapain para diri? Siling nila depende kuno sa savings. Hambal sang source ko depende man kuno sa pag-follow up ni school head. Pero sabat sang maestro ano labot ni school head kay may MOOE man tana?
Indi man abi magreklamo ang mga manunudlo kay kun magreklamo man sa Ombudsman, ibalik man gihapon sa SDS for action. Teh kun SDS kag District Supervisor (DS) ang imo ireklamo, ano pa abi ang padaug mo? Tani ang Ombudsman mag-imbestigar na lang sila nga indi na mag-agi sa DS ukon SDS agud mahatagan man sang hustisya ang mga manunudlo.
Ini pila lang ka problema sa Department of Education (DepEd). Ang problema amo ang mga Division kag ang Division of Iloilo. Dapat hatagan sang pagtamod. Panawagan sa DepEd tani bag-uhon man ang grievance response mechanism agud magpangisog man ang mga manunudlo nga magreklamo sang mga inhustisya sa ila.
Ang DepED sadsaran sang pagpasangkad sang kinaalam sang mga kabataan. Kun diri pa lang nagasugod na ang inhustisya, maga-produce kita sang problemado nga pumuluyo.
Paging DepEd kag Ombudsman! Palihog tan-awa ini nga problema!/PN
[/av_textblock]
[/av_one_full]
