[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ipokrito ang mga Filipino’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Tuesday, January 17, 2017
[/av_textblock]
[av_textblock size=” font_color=’custom’ color=’#0a0a0a’]
KADAMO lang sang mga reactionary nga hulag sang karon nga administrasyon. Matanda sila magsakay sa trending topics sa social media kag mainstream media.
Sining karon lang naggwa sa data sang pornsite nga PornHub.com nga ang mga Filipino ang pinakamadamo nga visitor sa ila site kag amo man ang pinakamalawig ang pagbisita sa site agud magtan-aw sang mga porn flicks.
Bilang reaction, gilayun nga gin-ban sang gobyerno ang PornHub sa Pilipinas. Ini nagakahulugan nga indi na mabuksan sang mga Ppinoy ang site kun gusto nila magtan-aw sang mga porno.
Ano ang inyo panan-awan sini? Ini bala overreaction sang aton gobyerno? Ini bala intension gid man nga maamligan ang aton mga pumuluyo?
Ang PornHub isa lang sa mga pornsites nga mabuksan kun ikaw may internet. Mahimo ka makalantaw kag maka-download sang videos. Diri man gani kun kaisa makita ang mga videos nga sekreto lang kuntani nga gina-record sang mga partners ang ila pagpakighilawas. Diri nangin actor sa ila kaugalingon nga porn flicks ang ordinary nga tawo.
Ngaa PornHub lang? Madamo pa dira sang pornsites nga mabuksan diri sa Pilipinas. Ano bala ang ginakahadlukan sang gobyerno sa porno? Nga kadasig sa ila mag-react? Teh ang mga fake news naman nga mas malain pa ang epekto nya sa pagkondisyon sang utok sang tawo indi nyo man pag-ban?
Kun madasig mag-ban ang Pilipinas sang PornHub, ngaa ginapabay-an lang nila ang nagalinapta nga mga fake news? Indi nila madumili-an kayman nagapabor sa ila ang mga kaundan.
Pero kinahanglan gid bala nga dumilian ang mga pornsites sa Pilipinas? Sa pila ka Middle East countries banned man ang mga pornsites. Bisan ang possession sang mga porn videos ginadumilian. Bisan gani ang pag-upod sang mga babaye kag lalaki nga indi kasal, nagakahulugan sang silot kag pagkabilanggo.
Sa pihak sini nga mga pagdumili, ngaa madamo man gihapon sang krimen angut sa passion ang nagakatabu. Ngaa madamo man nga Pinay OFWs ang biktima sang paghimulos sa iban nga pungsod? Buot silingon, bisan ano man ang inyo kasuguan kag kultura, ang pagpakighilawas dako gid nga kinahanglanon sang tawo. Pwede nga himuon ini nga may kaupod ka ukon pwede man nga magsolo ka.
Sa impresyon nga ang balita nga palabisita ang mga Filipino sa mga pornsites particular na sa PornHub naghatag sang kahuy-anan sa gobyerno. Maathag nga indi mabaton sang Duterte administration nga ang mga Pinoy mahilig gale sa sex. Posible man nga nagapati ang gobyerno nga ini nagaguba sa moralidad sang mga Filipino, ilabi na sang mga kabataan.
Ipokrtio lang kita nga mga Filipino. Nangidlisan kuno abi sa sex pero nagalawaylaway man kun makakita sang nagustuhan nga tawo. Kita nga mga Filipino mahilig magtago sang ginabatyag kay nahuya kuno. Pero sa tago lang, kun maglumbayag daw karabaw nga nagapahigal nga nagalumpat sa toril lamang makakita sang toro.
Indi na bala kita mangin ipokrito!
Ano ang mahambal mo, Glen Remotin sang City Admin?/PN
[/av_textblock]
[/av_one_full]
