[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Dagyang ta! Simba man kita!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Thursday, January 19, 2017
[/av_textblock]
[av_textblock size=” font_color=’custom’ color=’#0a0a0a’]
DINAGYANG na mga Ilonggo. Makagalanyat ang lagabong sang mga drums, maduagon ang mga costumes kag masadya ang iwol-iwol sang mga hanagaway sang tagsa ka tribu.
Subong nga tuig ika-49 ka tuig na nga pagsaulog sang Dinagyang Festival sang gin-umpisahan ini sadtong 1969 kun sa diin may apat lang ka tribu nga nagpasakop. Nangin malawig man ang inagihan sang Dinagyang tubtob nga nahuman ang identity sang kahiwatan.
Ang Dinagyang naggikan nsa tinaga nga “dagyang” nga isa ka masadya nga pagsaulog. Ang anay Ilonggo nga manunulat kag brodkaster nga si Pacifico Sudario ang nagsambit sini nga tinaga nga amo na ang pinakasikat nga festival subong sa pungsod. Kun sang una kaangay lang ini nga breakaway celebration sang Ati-Atihan sa Kalibo kag Sinulog sa Cebu, subong ang Dinagyang mas sikat pa sang sa mga ginakabig “mother festivals” sa pungsod.
Nangin hall of famer ini bilang Best Tourism Event sa pungsod sang Association of Tourism Officers of the Philippines (ATOP) sadtong 2008-2007.
Makapila man ini nagkampyon kag nag grand slam man sa Aliwan Fiesta, ang “festival sang mga festivals” sang Pilipinas.
Pinakakilala nga simbolo subong sang Dinagyang si Daguy, ang bata nga Ati. Una sya nga gindibuho sadtong 2002. Gin-adopt ang caricature bilang official logo sang festival. Una sya nga ginpakilala sa publiko sadtong Disyembre 14, 2004 sa The Fort, taguig kag sa Iloilo sadtong Disyembre 18, 2004.
Subong nangin sikat na si Daguy. Sa kada gwa ni Daguy pagsaulog sang Dinagyang, nagahinugyaw ang tanan agud sug-alawon ang simbolo sang Dinagyang.
Sa masunod nga tuig, ika-50 nga tuig na nga anibersaryo sang Dinagyang. Subong nga 2017, ginahandaan na ini sang syudad.
Pero, isa lang ang aton panawagan…panawagan ini indi sa organizer…ini panawagan sa publiko. Tandaan ta nga ang Dinagyang ginasaulog agud pabakuron pa ang debosyon kay Señor Santo Niño. Madamo na sang mga sugilanon sang milagro ang iban nga mga deboto. Pero halos nakalipatan na sang mga Ilonggo ang religious nga aspeto sang kahiwatan. Nag-focus na ang tanan sa dagyang sa dalan sang sa kadto sa simbahan.
Sa tagsa ka hapon may mini sadsad na sa San Jose Placer Parish matapos ang novena. Sa sabado, Enero 21, amo ang pinaka-highlight sang religious sadsad. Samtang nagadagyang kita sa dalan, balikdon ta man ang religious nga aspeto sang kahiwatan. Samtang nagakinasadya kita, magsimba man kita.
Dagyang ta, Simba ta!
Hala bira, Iloilo!
Viva Senor Santo Niño!/PN
[/av_textblock]
[/av_one_full]
