[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ang pagkapinasahe sang Tribu Panayanon’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Tuesday, January 24, 2017
[/av_textblock]
[av_textblock size=” font_color=’custom’ color=’#0a0a0a’]
SA NAPULO ka mga tribu nga nagpasakop sa 2017 Iloilo Dinagyang ati-ati tribes competition, may isa gid nga pinasahe, may isa nga pinakatuhay. Kun sa pulong pa nga Ingles “unique.”
Ini amo ang Tribu Panayanon sang Iloilo City National High School. Ini nga tribu, wala gid nagapaslaw sa tagsa ka tumalan-aw. Sa tagsa ka tuig may lain sang sa iban nga konsepto sang pagpasundayag.
Ang utok sa likod sini nga tribu amo si Mr. Romel Flogen…anay Dagyaw Theater dancer sang Iloilo National High School kag graduate sang Bachelor of Physical Education ukon BPE sa West Visayas State University (WVSU).
Ang tanan nga mga tribu lunsay man maayo ang performance. Pero ang kinatuhay ni Flogen amo ang padayun niya nga pagtukib sang bag-o nga mga estilo kag ideya kun paano mapatahum ang pagpasundayag sang iya tribu.
Subong nga tuig nangin tema sang ila pasundayag ang relasyon sang mga Ati sa tawo sa balod kag kun paano niya ginsaulog ang bugana nga patubason kag ginhalad kay Señor Sto. Niño. Isa ka simple nga estorya apang nahimuan sang choreography nga tuman ka tahum.
Subong nga tuig ginpakita ni Flogen nga bisan wala ka sang riser, sa gihapon makapasundayag ka sang maayo. Ang mga props nga daw kaing amo ang ginhimo nga salakaan agud saotan sang mga dancers. Brilliant idea, indi bala?
Samtang ang iban nga tribu malawig ang ginausik nga ti-on sa set-up pa lamang sang ila props nga kadam-an riser man lang, ang Panayanon matawhay ang paglakat dala mismo ang ila salakaan sa tion sang pagpasundayag. Bisan ako wala maglaum nga ang simple nga kaing, kabilyado gale. Tuhay, bag-o kag sa sunod nga tuig may magakopya naman sina.
Innovations…ini ang masami nga ginasiling…mag-introduce sang bag-o sa merkado. Kag magadepende na kun ano man ang sabat sang tawo.
Subong nga Dinagyang festival, nagmadinalag-on si Flogen sang pagtilaw sang bag-o nga estilo diri sa Dinagyang, kag maathag nga nagustuhan sang publiko ang ila performance.
Nga-a bala indi maka-innovate ang iban nga tribu? Innovate, buot silingon, padayun ang pagtukib kag paglakip sang mga pagbag-o sa ano man nga ginahimo. San-o pa madula ang risers sa kada tribu?
Yes matuod nga ang risers nagahatag sang dugang nga katahum sa performance sang tribu. Pero indi bala pwede nga ipahigad lang anay?
Maathag man nga indi masyado ka pagsik ang subong nga performance sang Panayanon. Pero natigayun nga mapalambot ni Flogen ang iya mensahe paagi sa simple nga saot kag mga props.
Pero ngaa wala nila nakuha ang kampyonato?
Hay ambot sa judges!/PN
[/av_textblock]
[/av_one_full]
