[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sindikato sa Jaro Plaza’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Saturday, January 28, 2017
[/av_textblock]
[av_textblock size=” font_color=’custom’ color=’#0a0a0a’]
WALA gid ginalauman ang desisyon ni Mayor Jed Patrick Mabilog nga kakason ang mga manugbaligya sagwa sang Jaro Plaza nga indi nasakop sang Jaro Agro-Industrial and Charity Fair. Mas wala ginalauman nga ipatuman ang no collection sa entrance sa trade fair. Sigurado gid nga ginkakibot ini sang mga naapektuhan.
Mabug-at nga klase sang desisyon ang ginhimo sang alkalde. Ang desiyon ni Mabilog nagpakita sang iya political maturity nga indi maapektuhan sang posibilidad nga madulaan sang support base gikan sa mga punong barangay sang Jaro.
Ang desisyon sang alkalde nga dumilian ang pagpanukot sa entrance sang plaza dako nga kadulaan sa Jaro Association of Barangay Councils (ABC). Kun basehan ang sabat ni Liga president Leo Lindero, indi magnubo sa P35,000 kada adlaw ang kita sa entrance sang plaza. Ini sa magtag napulo ka pesos nga bayad sang mga nagasulod sa plaza. Kun isa ka bulan ang ila operation, hamak mo lab-ot man million ang ila kita sa entrance fee lamang. Dako ini nga kadulaan gani dako ang epekto sini sa suporta sang mga kapitan kay Mabilog. Bisan ang ining tagsulat nakabati na sang kumod sang mga kapitan.
Kahapon, nakibot man ang tanan sang gindayun sang syudad ang pagkakas sang mga kiosk sagwa. Abi sang iban madala sa pressure sang mga vendors si Mabilog. Nangin dako diri nga factor sa desisyon sang alkalde amo ang ginpakita nga suporta sang publiko sa iya desisyon. Ang public sentiments dako nga bagay sa mga ginahimo nga desisyon sang aton nga mga lider.
Sa pahayag ni City Administrator Hernando Galvez, katuyuan sang desisyon sang alkalde nga dayunon ang pagpahalin sa mga vendors sagwa sang plaza amo nga ma-pressure ang mga ini nga ibuyagyag kun sin-o ang nagapanukot sa ila sang indi magnubo sa P5,000 kada kiosk. Sa pihak sini, wala sang ginhambal nga ngalan ang mga vendors. Buot silingon, sindikato na ang naga-operate sa Jaro plaza.
Ngaa nga indi mabungat sang mga vendors ang ngalan sang nagasukot sa ila?
Indi man patas nga basulon pa ang syudad sa dinangatan sang ila pagbolante sa kapyestahan sang Candelaria sa Jaro. Ang matuod diri ang transaction sa tunga sang vendors kag ila mga protector nga klaro sila man nga mga vendors ang nagaprotekta paagi sa paghipos sang ila baba.
Mapati ka ayhan nga antes kahapon ginpatuman ang demolition, may advance party nga nagkadto sa mga vendors agud mag-conduct sang briefing kun ano ang ila isabat sa pamangkot sang City Administrator?
Ang pagkakas sa mga vendors sagwa sang plaza indi pa makabig nga kadalag-an. Panugod pa lang ini kag balantayan ang matabu sa masunod nga tuig.
Sa magapangita sang banga kag tibod, lakip na ang mga lamesa nga human sa marmol, kadto kamo sa Jaro Big Market sa El 98 nga bahin.
Sa gusto magkaon sang kalan-unon, kadto kamo sa sulod sang plaza kay didto sila sayluhon. Kag sa gusto magbakal sang prutas kag mga inugtanom, didto kamo kadto sa atubang sang gina-restore nga daan nga munisipyo sang Jaro sa kilid sang bangko./PN
[/av_textblock]
[/av_one_full]
