[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panginbulahan, Miss Maxine Medina!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Tuesday, January 31, 2017
[/av_textblock]
[av_textblock size=” font_color=’custom’ color=’#0a0a0a’]
PAMANGKOT: What is the most significant change you’ve seen in the world in the last 10 years?
Sabat ni Maxine Medina: “The last 10 years of being here in the world is that I saw all the people being in one event like this in Miss Universe, and it’s something big to us that we are one, as one nation, we are all together.”
Ini nga sabat ang nagselyo sang kapalaran ni Miss Philippines Universe Maxine Medina. Matapos madala tubtob sa Top 6, napaslawan sya nga madala sa Top 3.
Madasig nga nag-bash ang mga netizens. Kesyo sa umpisa pa lang indi na sya deserving mangin tiglawas sang Pilipinas. Kesyo mahina sya kay indi makahibalo mag-Ingles kag madamo pa nga pagtamay.
Ngaa bala kapintas gid sa aton nga mga Filipino sa aton tiglawas sanga paindis-indis kun indi sila magdaug? Ngaa bala makita dayun ang mga kapaltahan nila kag amo ang himoun nga balasehan kun ngaa wala sila nagdaug?
Duna lang gid siguro sa mga Filipino ang mangin competitive. Kag maathag nga ginapakita naton nga indi kita sports.-.indi kita madali magbaton sang kalutusan. May rason gid kita nga basulon kun ngaa napaslawan kita nga maangkon ang kadalag-an.
Dapat man tan-awon sang mga Filipino nga indi lang kita ang nagahandum nga magdaug. Indi lang si Medina ang daw manginmatay nga maanggkon ang korona. Ang pressure ara gid kay Medina bangud sa handum nga makuha ang back-to-back nga titulo. Ugaling indi man madula nga kun magdaug sya kag Pilipinas ang host, may isyu naman sang favoritism. Korek gid si Miss Universe Gloria Diaz nga indi maayo sa mata sang kalibutan kun magdaug si Medina diri mismo sa aton pungsod.
Pero balikan naton ang isyu sang bashing kay Medina sa iya sabat. Madamo ang nagasiling nga dapat nag gamit sang interpreter si Medina. Pero bilang isa ka pungsod nga ang ikaduha nga mayor nga pulong amo ang Ingles, naghimakas man si Medina nga makasabat sa panagkot gamit ini nga pulong. Indi man luyag ni Medina nga paslawon ang mga tawo kag luyag nya pamatud-an nga indi man gid sya tuman ka hina sa Ingles. Makahibalo man sya maghambal ugaling indi lang gid sya maayo magpabutyag sang iya idea.
Dulogan na naton ang pag-bash kay Medina. Wala ta lang nahibaluan kun daw ano man ka dako ang iya gin-invest para sa kaugalinon sa sini nga paindis-indis. Kun kita nagahandum nga magdaug si Medina, mas labi na gid sya kay sya ang natungdan. Kun na-disappoint kita, mas labi na gid sya.
Indi tanan nga ti-on aton. Indi tanan nga oras swerte kita. Kun nagahimakas kita, amo man ang iban.
Tama na nga bash kay basi kun ikaw ang nag-entra, bisan sa Miss Purok indi ka makaatraka!/PN
[/av_textblock]
[/av_one_full]
