[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Sala sang kabataan, ginikanan ang mapas-an!’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Saturday, February 11, 2017
[/av_textblock]
[av_textblock size=” font_color=’custom’ color=’#0a0a0a’]
DAKO na nga problema sa karon ang mga krimen nga ginahimo sang mga minor. Mga kabataan nga bisan disoras na sang gab-i ara gihapon sa gwa sang puluy-an nagalagaw kaupod sa grupo. Bisan gab-i na puno sa gihapon ang mga komputeran sang nagahampang sang League of Legends (LOL), DOTA kag iban pa nga mga online computer games.
Diri sa syudad sang Iloilo nangin mainit ang isyu sang mga gangs nga ginatapuan sang mga kabataan nga minor kag mabakas pa maghimo sang katuntohan. Ang gang per se indi man kuno malain hambal ni Iloilo City Police Office director Senior Superintendent Remus Zacharias Canieso. Ugaling diri sa syudad kun may gang ka sikat ka.
Ang syudad sang Iloilo may curfew for minors ordinance. Ini nagadumili sang mga minors nga wala sang kaupod nga legal-aged nga himata nga ara pa sa dalanon sugod 10:00 sang gab-e tubtob 4:00 sang kaagahon sa masunod nga adlaw. Suno kay Task Force on Morals and Values Formation chairman Jorge Duron, sa ila operation kaupod sang City Social Welfare Development Office personnel kag kapulisan, madamo sang mga kabataan ang ila madakpan kag gina-turn over sa CSWDO kag ginapatawag ang ginikanan. Ini nga mga ginikanan todo man ang pangako nga indi na pagpabay-an nga magliho-liho ang mga kabataan nila sa gwa sang puluy-an sa dis-oras sang kagab-ihon.
Apang makaligad ang pila ka adlaw, liwat naman nga madakpan ang ila kabataan nga nagalapas sang curfew hours. Duha lang sini ang kabangdanan: Una, ang ginikanan pabaya sa ila anak kag ikaduha, balingag gid ang utok sang ila bata nga indi mapunggan nga maglagaw.
Agud mabulong ini nga problema sa mga kabataan kag mapwersa ang mga ginikanan nga ma-impose ang ila otoridad bilang ginikanan sa ila kabataan…ipatuman sang task force ang probisyon sang Section 11 sang ordinansa nga nagasilot sa ginikanan sang mga kabataan nga masami madakpan nga nagalapas sa ordinansa. Suno kay Duron, sa ti-on nga makapila ka beses na nga madakpan ang bata, kasuhan na ang ginikanan.
Kadungan sini, ginatawag man ni Duron ang igtalupangod sang mga opisyal sang barangay nga ipatuman ini nga ordinansa sa ila nasakupan. Paathag ni Suron, bilang lider sang barangay may poder ang mga opisyal nga mangdakop sang mga kabataan nga nagalapas sang curfew hours. Maathag man nga wala gid ini ginapatuman sang mga kapitan sa ila nasakupan.
Ang pagkaso ayhan sa mga ginikanan solusyon sini nga problema?
Ang mga ginikanan kun halos pa lang indi na sila gusto nga wala nagatiner sa balay ang ila kabataan. Sin-o bala nga ginikanan ang kampante nga sa oras sang kagab-ihon wala pa ang anak? Ugaling may mga bata gid nga mas gustuhon pa nila nga maglagaw sang sa magpabilin sa ila balay. Ini dala man sang ila nga pagdako bilang teenagers.
Mabudlay ang kabuhi sang ginikanan nga may teenager nga kabataan. Pero kun pahambalon man ang mga kabataan mabudlay ang kabuhi kun may strict nga ginikanan.
Hay ang kabuhi wala pakadtuan. Pero ang panugyan lang…ang ordinansa ipatuman na sang hugot. Indi na paghulaton nga may makasuhan antes magtarong./PN
[/av_textblock]
[/av_one_full]
