[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Kari ka, lagaw ta’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Tuesday, February 14, 2017
[/av_textblock]
[av_textblock size=” font_color=’custom’ color=’#0a0a0a’]
ANG Pilipinas panguma kag pangisda ang nagapanguna nga palangabuhian. Sa malawig na nga tinuig ang mga Pilipino sa diin man nga bahin sang pungsod nakatuon sang panguma, kag pangisda naman kun malapit sa baybay. Ini na ang nagpatapos sa ila kabataan sa pagtuon kag nagpa-professional sa ila.
Subong nga panahon samtang nagabag-o ang pagginawi sang tawo, nagabag-o man ang ila interes. Bangud sang madasig nga tikang sang kabuhi, ang tawo napun-an sang kakakapoy kag stress. Gani nagakinahanglan sila nga magpaliwaliwa. Diri na kag nagsugod ang konsepto sang bakasyon…konsepto sang torismo.
Sa imbitasyon ni Mr. Flord Nicson Calawag, ang anay OIC Provincial Tourism Officer sang Antique, kaupod sa iban nga mga katapo sang media, nagbisita kami sa banwa sang Tibiao kag Culasi sa Antique.
Sa amon pagbisita sa lugar didto ko nakita nga bisan ano man ka simple ang kaladtuan kun may utok sa pagpanumdom sang makagalanyat nga gimik ang isa kag tawo, dugukan sang bakasyunista ang iya lugar.
Halimbawa lang diri ang Tibiao River nga ginhimo resort sang pamilya ni Calawag. Sin-o bala ang maglaum nga ang batuhon nga suba mangin isa ka makagalanyat nga lugar kag nagagutok ang mga bisita? Sin-o bala ang maglaum nga ang simple nga kawa nga gindabukan pwede gali mangin tourist attraction? Daw sa ano bala nga naga-boodle fight kamo samtang ara sa tunga sang suba kag mabatyagan kag mabati-an mo ang daganas sang tubig?
Ang ginhimo ni Calawag simple nga bagay nga ginbutangan sang “twist” nga nangin espesyal. Kun sa pagkaon pa…pareho man lang nga batchoy ugaling luwas sa itlog may pinasahe pa gid nga subak.
Sa industriya sang torismo nagapatok ang mga simple nga bagay apang may “twist” kag syempre kinahanglan ang presyo kasarangan apang sulit ang experience.
Ang isla sang Mararison naman halimbawa. Ang simple nga island-barangay nga may maputi nga isla subong ginadugukan naman sang tawo bangud sang duna nga katahum. Daw kaangay lang gani nga wala nakahanda ang local nga pamunuan sang Culasi amo nga daw wala pa naplastar ang iban nga bahin. Apisar nga organisado ang mga tour guides apang may iban pa nga facilities nga dapat hatagan sang pagtamod. Ini amo ang tubig, kuryente, kag basic nga kinahanglanon…ang kasilyas.
Mararison island lang okay ka na. Matahum, matinlo tubtob nga natuipan sang tawo. Ang kabuhi sang tawo nagbag-o na sang nagtaas ang tourist arrival sang isla. Pero ang risgo sang katinlo sa palibot nagatas man. Pero sa matuod lang dako ang nabulig sini sa mga residente. Ang kinahanglan lang amo ang “sense of ownership” sa mga residente. Kuntani kun ano ang ila gina-enjoy subong amo man ina ang maabutan sang ulihing henerasyon.
Pero para sa ako, paraiso ag Mararison. May bawi ang kulba sa mabalod nga panakayon kag pagbaklay sa bukid agud malibot ang isla.
Ini pila lamang sa mga lugar nga matahum sa Antique. Ang Antique paraiso nga nagahulat nga tukibon pa gid ang iya mga tinago.
Ang Iloilo kag iban nga probinsya sang rehiyon may ila man nga kinaiya nga katahum sang lugar. Ang potensyal ara gid. Kinahanglan lang nga i-harness ang potential. Indi ka na maglagaw pa sa luwas sang pungsod kay diri pa lang sa Western Visayas indi mo na maarapalan bisitahan ang katahum sang rehiyon.
Kari ka, malagaw kita. Suroyun ta ang mga isla, baybay, sapa kag suba. Diri lang sa Kabisay-an Nakatungdan mabusog na ang mata mo sa katahum sang atun dunang manggad.
Kari ka! Lagaw ta! Suroy kita!/PN
[/av_textblock]
[/av_one_full]
