[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panambiton para kay Pangulong Duterte’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=’#0a0a0a’]
Thursday, February 23, 2017
[/av_textblock]
[av_textblock size=” font_color=’custom’ color=’#0a0a0a’]
SANG ikaw nagapangampanya sa amon,
Madamo ka sang mga ginpangako nga himuon,
Pobre batakon sa kaimulon,
Tapnaon ang korapsyon.
Kami nagpati ikaw ginboto,
Nagpalanglapaw ang abanse sa kontra mo,
Nalipay kami ang nagdaug,
Ginakulbaan mga tawo nga baldog.
Matuod katahum sang imo umpisa,
Mga durogista nagasala-sala,
Mga korap nga opisyal nagpinanghimos na,
Kay ang kamot sang matarong nagapanglapdos na.
Apang sang hulihi nangin makahas na sila,
Nabatyagan na ang kapintas sang pulisya
Madamo nga kabuhi nagakautas na
Bangud sang kampanya kontra ilegal nga droga.
Ang baba sige kang bora,
Nagakawas mga binastos nga tinaga,
Kaalyado ginatirada
Buyayaw kag insulto nasumalang nila.
Singgitan, mabulag na ang Pilipinas sa Amerika,
Makadto kami sa China,
Makig-alyansa man kita sa Russia
Mabakal kita sang armas sa ila.
Sanday Andanar kag Abella,
Pirme lang nagasala,
Kuryente sa balita,
Dayun bawion nila.
Ang media kontra na,
Bias kag pirme lang pataka,
Misquoted rason nila,
Media iresponsable na.
Ang social media nagabaha man,
Sang mga impormasyon nga lunsay kabutigan,
Pero sang mga trolls amo ginapatihan,
Bangud ang balita pabor sa ila tanan.
Maathag nga mga trolls ginabayaran,
Agud gub-on ang nagakontra sa Malacañang
Gusto nila magpinataka lang
Sang pagpatuman sang ila kagustuan.
Ginabasol na ang daan nga administrasyon,
Tanan nga problema subong sila ang dapat kuno basulon,
Bangud si Aquino nangin mapinatumbayaon,
Nagpamanggaranon kuno ang mga kahimbon.
Oh halangdon nga Poon,
Kami nga kubos imo tamdon,
Indi ka lang magtatap sang imo kampon
Nagabatas na ang pungsod naton.
San-o pa bala magabukas ang imo mata,
Nga indi tanan nga inaway madaug sa gyera,
Kinahanglan man may pahanunot ka,
Bangud indi tanan sa imo naga-Aleluya.
Pasangkara ang mata,
Indi ka lang magtutok sa ilegal nga droga,
Ang pungsod ta madamo pa sang problema,
Kag ikaw isa nada sa mga ginapalibugan sang masa.
[/av_textblock]
[/av_one_full]
