[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ano bala ang ASEAN?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Tuesday, March 7, 2017
[/av_textblock]
[av_textblock size=” font_color=” color=”]
SUBONG nga bulan, duha ka mga Association of Southeast Asian Nations (ASEAN) meetings ang hiwaton diri sa syudad sang Iloilo. Ini amo ang duha ka adlaw nga 22nd Senior Officials Committee for the ASEAN (SOCA) Council Meeting nga nagsugod kahapon, Marso 6, kag magatapos sa Marso 8. Sundan ini sang 17th ASCC Council meeting sa Marso 8 tubtob 9.
Ang Department of Social Welfare and Development (DSWD) ang mangin manugpatigayun sang sining duha ka mga sinapol.
Apang bilang isa ka Ilonggo, agud gid ang imo nahibaluan sang sa ginatawag nga ASEAN?
Ang ASEAN ginatapuan sang mga pungsod nga Brunei Darussalam, Cambodia, Indonesia, Lao PDR (nga nangin host sang nagligad nga tuig), Malaysia, Myanmar, Pilipinas, Singapore, Thailand kag Vietnam.
Ginbun-ag ang ASEAN sadtong Agosto 8, 1967 sa Bangkok, Thailand kasunod sang pagpirma sang Declaration by the Founding Fathers of ASEAN nga amo ang Indonesia, Malaysia, Pilipinas, Singapore kag Thailand.
Ang Brunei Darussalam nagpasakop sadtong 1984, Vietnam sadtong 1996, Lao PDR kag Myanmar sadtong 1997 kag Cambodia sadtong 1999 nga nagbug-os sang napulo ka katapo sang ASEAN.
Sakop sang ASEAN ang 4.4 square kilometers nga kalaparon nga nagabug-os sang tatlo ka porsyento sang kabug-usan nga duta sang kalibutan. Mas malapad sang halos tatlo ka beses ang water cover sang ASEAN kun ipaanggid sa duta sini. Ginabanta nga may populasyon ang ASEAN nga 600 million ukon 8.8 percent sang populasyon sang kalibutan.
Ini na ang ikaapat ka beses nga pag-uyat sang chairmanship sang Pilipinas sang ASEAN sugod sang nagpasakop ini sadtong 1967. Una sang tyempo ni anay Presidente Corazon Aquino sadtong 1987; ginsundan ni anay President Joseph Estrada para sa 3rd Informal ASEAN Summit sadtong 1999.
Sadtong 2007 nangin host ang Cebu sang ASEAN Summit sa idalum ni anay President Gloria Macapagal-Arroyo.
Maluwas sa Iloilo may 11 pa ka lugar nga nangin host sang ASEAN nga ginalakipan sang Bacolod City, Bohol, Boracay, Cagayan de Oro city, Cebu City, Clark, Davao City, Loag City, Legaspi City, Metro Manila kag Puerto Princesa city.
May anom ka prioridad nga ginlatag si President Rodrigo Duterte nga hatagan sang sentro sa summit.
Ini amo ang: people-oriented, people-centered ASEAN; peace and stability sa rehiyon; maritime security; Inclusive, innovative-led growth; resilient ASEAN kag mangin model sang regionalism kag global player.
****
Subong nga nagapadayun ang ASEAN meetings, may pagbag-o sa sistema sang siguridad sa aton palibot. Bilang isa ka Ilonggo makibot ka sa ekstra nga kadamuon sang kapulisan sa mga dalanon sang syudad. Gikan sa Iloilo Convention Center tubtob sa mga dalanon sang syudad madamo sang pulis. Ekstra nga siguridad ang ginapatuman sang kapulisan. Makibot ka kay daw indi man kaangay sini ang sitwasyon sang Iloilo sa ordinary nga mga higayun.
Ang Iloilo kilala nga malinong gani bisan indi man madamo ang pulis sa dalanon, malaka nga nagakatabu ang mga krimen. Ugaling bangud sang mga ministers nga ari sa syudad kinahanglan ta ang ekstra nga paghalong. Ini ti-on sang mga Ilonggo nga mapakilala kun ano ka linong ang syudad kag probinsya. Tuhay sa gina-project sang iban nga Ilonggo kag outsiders nga magarot ang syudad.
Pamatud-an naton nga mas malinong ang Iloilo kun ipaanggid sa Davao, Manila, Cebu kag iban pa nga mayor nga syudad bisan wala nagaalalawas ang kapulisan.
Ilonggo ka, ikaw ang dagway sang aton syudad. Ipabugal ang Iloilo, ipabugal ang pagka-Ilonggo./PN
[/av_textblock]
[/av_one_full]
