[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Panugyan sa balingag nga mga empliyado’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Saturday, March 11, 2017
[/av_textblock]
[av_textblock size=” font_color=” color=”]
KUN IKAW empliyado nga nakasala kag nangin inefficient sa imo trabaho, dapat papanaugan ka gid sang memo to explain.
Pero may mga superiors nga kun sa una grabe gid ang kaakig, kun magtahaw ginapaiway na man lang.
Karon kun ikaw ina nga empliyado, may sala ka pero wala na lang gindayun ang imo memo, ano ang reaksyon mo?
1. Insultuhon mo ang boss mo patalikod kay waay man gindayun ang memo?
2. Isugidsugid mo sa mga upod mo nga may nagaapin sa imo?
3. Dugang pa gid self-confidence mo?
4. Padayaw mo nga indi ka matandog?
5. Kadtuan mo ang imo superior kag magpasalamat and commit to do better sa sunod (as in sinsero gid, indi lang pagdal-on sa hibi-hibi)?
Pasalamat kita kay may mga boss nga mabuot. Pasalamat ka kun ang kumpaniya mo lenient kag ginadala na lang sa kumodkumod ang imo kapaltahan. We are not perfect. We commit mistakes. But indi man pagsulit-sulita ang imo kasaypanan.
Kun ara ka sa isa ka kumpaniya, make yourself felt. Ina bala nga mabatyagan nga may kontribusyon ka sa kumpaniya. Make yourself be a part of the making work easier before you came. Indi nga sang wala ka kag sang ara ka, daw nothing really changed.
Husto man ina nga ginapakigbato naton ang aton kinamatarong. Husto man ina nga magsulod gid kita sa walo ka oras nga ginatalana sang Department of Labor and Employment. Pero sa sulod bala sang walo ka oras, nahatag mo ang imo best para sa kumpaniya?
Subong nga panahon, mabudlay magpangita sang trabaho. Ilabi na nga naanaw ang mga nakatapos sa kolehiyo sa tagsa ka tuig. Indi ka magpamahog nga ma-resign ka sa kumpaniya. Tandaan mo ang kumpaniya makapadayun sa pagdalagan nga wala ka. Sang wala ka naka-operate man ang kumpaniya. Sigurado nga kun madula ka, magapadayun ang kabuhi sang kumpaniya.
Ini nga pautwas, pabatyag sa mga balingag nga empliyado. Wala gid sang problema sa pagpakigbato sang atun kinamatarong. Dapat lang nga makuha naton kun ano ang nagakadapat sa aton. Pero dapat man nga ihatag naton sa kumpaniya kun ano ang katungdanan nga ginapaabaga sa aton.
Masakit sa dulonggan pamati-an ang mga empliyado nga maangas. Tikal lang ang obra pero nagalaum sang mataas nga kumpensasyon. Kapin pa ang bag-uhan nga pamatyagan niya daw lamunon pa ang nakauna sa iya. Ilabi na ang bag-o nga wala sang pagtahod sa ila superiors.
Daw makasuloka ang empliyado nga mabuot sa atubang, pero sa pagtalikod, ubos ya pangbuno kag labo ang iya kaupdanan. Empliyado nga wala sang etiketa. Wala sang maayo nga pagbinatasan.
Ngaa may mga empliyado nga kaangay sini ka angas? Ini nga mga empliyado may nagaalalawas nga pagpati sa kaugalingon. Empliyado nga nagapati nga mas maayo pa sila sa ila superiors. Empliyado nga nagaalalawas ang handum kag nahatagan lang sang break, abi nya excellent na ang iya performance.
Hay panugyan sa imo nonoy kag inday, magtihin tihin sa paglakat basi ang imo bulang amo man lang ang makapilas sa imo.
Ibutang gid sa utok nga hatagan sang husto nga balik ang ginahatag nga sweldo sang kumpaniya kag magtuon ka sa pagtahod sa imo superiors kag mga seniors. Kun sa pamatyag mo mas maayo ka sang sa ila, then maayo ka na…pero mangin marespeto ka indi lang sa atubang, ilabi na kun nagatalikod na sila sa imo./PN
[/av_textblock]
[/av_one_full]
