[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Ang sugilanon ni Ynion’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Tuesday, March 14, 2017
[/av_textblock]
[av_textblock size=” font_color=” color=”]
VIRAL karon sa Facebook ang post ni Kagawad Plaridel Nava nga nagabuyagyag nga ginsugiran sya ni Mr. Rommel Ynion nga sang 2016 elections ginplano sya nga ipapatay ni Cong. Jerry Treñas sa tinawo ni Melvin Odicta (si Odicta ang Philippine Drug Enforcement Agency-identified leader sang Odicta drug group sa syudad).
Suno kay Nava, nabati-an mismo ni Ynion paagi sa tawag ni Treñas kay Odicta nga ginapadispatsar ang “palak-palak” nga ginatumod nga sya.
Sa interview sang RMN Iloilo, ini tanan ginkumpermar ni Ynion. Suno sa iya nagbisita sya sa balay ni Odicta duha ka semana antes ang 2016 elections agud makig-estorya politika bangud nagapadalagan sya sa pagkakonsehal sang 2016. Samtang nagasugilanon sila sa balay ni Odicta nag-ring ang cellphone ni Odicta kag ginpakita pa sa iya nga si Treñas ang tagtawag. Ginpa-speaker phone pa, gani nabati-an niya ang hambal ni Treñas.
Panindugan ni Ynion wala sya sang ano man nga interes sa isyu. Paathag sini nga ang kamatuuran lang ang iya ginatindugan.
Sang ginpakig-angutan si Nava, ginsiling niya nga indi malayo nga himuon ini ni Treñas sa iya. Halin pa man sang una nya nag pagpadalagan, kontra na sya ni Treñas apisar nga wala ini nahibaluan sang publiko. Gin-alegar pa ni Nava nga naggasto pa ang kongresista agud mawigit sya sa line up.
Sa bahin naman ni Treñas, ginpanginwala sini ang alegasyon ni Nava. Politika ang nakita nga rason ni Treñas kun ngaa nagwa ini nga isyu. Panindugan sang kongresista indi niya batasan ang magpanakit sang tawo.
Matapos nabati-an ang bahin sang mga starring sang sini nga political drama, sin-o ang inyo mas ginapatihan?
Mabudlay ang magpakot indi bala? Ini bangud ini nga mga players karon lunsay politiko. Lunsay may interes nga amligan ang ila imahen kag ipakilala ang ila kaayuhan sa tawo.
Bilang isa ka ordinary nga Ilonggo, ano ang imo pamatyagan sini? Politika ukon may kamatuoran?
Kun analisaron naton ang pagbinatasan ni Treñas, suplado ini klase tawo, pero wala man record sang pagkamapintas. Apisar nga ang iya aura mabudlay palapitan, pero kun estoryahon mo okay man kag maabi-abihon man. Ugaling indi man kita makahusgar sa pang-gwa lang nga panimuot.
Pero may rason bala sya nga ipapatay si Nava? Kun sa iya personal, wala ako sang nakita. Ini bangud nga wala man sila sang direkta nga away nga duha. Mas mainit sang amo to nga higayun ang away ni Mayor Jed Patrick Mabilog kag Nava. Pero kun sa punto nga ipatira si Nava kay sigurado si Mabilog ang itudlo kay mainit ang away sang duha, posible man. Ini mga haum-haum lamang kag mabudlay nga pamatud-an.
Analisaron ta si Ynion. Ano ayhan ang motibo ni Ynion sa pagsugid sini kay Nava? Ano ayhan ang iya rason sa pagkumpermar sini sa publiko? Kun politika pwede man. Ugaling daw indi man sila ni Treñas magbungguanay?
Gusto lang ayhan ni Ynion makatuga sang gahod? Daw manabaw man nga rason. Ang akusahan mo ang tawo nga plano ipapatay ang isa ka tawo tuman ka delikado kag mahimo ka manabat legal. Pero ngaa maisog si Ynion maghambal sini?
Masakit ini nga akusasyon kay Treñas kag bisan paano apektado sini ang kongresista. Sya mahimo bale wala, pero ang iya pamilya ilabi na ang kabataan magabatyag gid.
Kun ano man ang padulungan sining sugilan ni Ynion, bantayan naton.
Ang masadya lang kay subong damo na nagadabok sa isyu. Damo na gusto mag-entra. Sus masarangan na ya atubangon ni Kagawad Nava kag Ynion. Indi na kamo nagay gatong. Handa na ang duha sa gyera. Kabay pa nga wala lang sang masalabat!/PN
[/av_textblock]
[/av_one_full]
