[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! ‘ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI JOEL FRANCO
[/av_heading]
[av_textblock size=” font_color=” color=”]
Kinahanglan ta ang oposisyon
BISAN ano man kamauswagon ang isa ka pungsod, may ara gid oposisyon. Bisan ano man katampad kag kaayo ang lider, may nagadisgusto gid. Diin ka man nga gobyerno may oposisyon gid. May oposisyon gani sa China nga komunista ang ila liderato. Bisan gani sa North Korea may ara man bisan sekreto lang.
Sa ikaduha nga State of the Nation Address (SONA) ni President Rodrigo Duterte, nagpresentar sya sang iya mga kadalag-an. Kadalag-an sa ilegal nga droga, korapsyon, kriminalidad, terorismo kag iban pa. Ini nga mga kadalag-an indi gid pagpatihan sang kontra sang administrasyon. Sa oposisyon wala sang husto nga ginahimo ang administrasyon. Sa masami kalain lang ang ila makita.
May mga oposisyon nga nagapamatok para sa kaayuhan sang ila personal nga interes. Ini ang mga tawo nga may interes man sa politika, negosyo kag bisan transaksyon sa gobyerno. Ini ang sahi sang oposisyon nga kaugalingon nga kaayuhan ang ginapaminsar.
Sa sini nga administrasyon, kinahanglan sang mga Pilipino ang oposisyon nga nagaulikid sa pangkabilugan nga kaayuhan. Kinahanglan naton subong ang oposisyon nga wala sang kaangtanan sa politika sang nakaligad agud mangin mapatihan ang ila adbokasiya.
Ang gobyerno nga wala sang oposisyon makatalagam. Mas madali nga mangin diktador ang lider nga wala sang may nagapamatok. Ang mga lehitimo kag wala sang interes nga oposisyon amo ang nagaamlig sang aton palaabuton. Sila ang mga nagabantay sa hulag sang lider kun bala naglapaw na sa latid sang demokrasya ang iya mga ginapanghimo.
Matuod nga ang oposisyon nakaapekto man sa implementasyon sang mga proyekto kag programa sang gobyerno. Sila man ang nagasablag kun kaisa bisan sa maayo nga intention sang administrasyon.
Subong kinahanglan ta ang opiosisyon nga matarong. Makita sa sitwasyon nga indi malayo nga magpatuman sang makahas nga tikang ang gobyerno agud lamang maduso ang agenda sang President. Gikan sa extrajudicial killings, pagpamatay angut sa kampanya kontra ilegal nga droga kag madamo pa, oposisyon ang sabat diri. Oposisyon nga amo ang magadala sang tingug sang mga pumuluyo agud ipakigbato ini. Oposisyon nga samtang nagapakamalaut nagatanyag sang solusyon sa problema nga ginaatubang.
Sa mga sumalakdang ni Tatay Digong, indi pagpakamalauta ang oposisyon. Pareho man lang ang handum ninyo nga mapauswag ang Pilipinas. Gani dapat nga pamati-an man ang oposisyon agud magiyahan ang President sa husto nga akto para sa tawo. (jfranco1975@yahoo.com/PN)
[/av_textblock]
[/av_one_full]
