[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’Paalam, Inday Miriam’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
NAGAISAHANON lang ang Miriam Defensor-Santiago. Wala na sang makatupong sa kinaalam, integridad, panindugan kag achievements sang Ilongga nga senador.
Si Miriam Palma Defensor-Santaigao isa ka Ilongga nga masangkad ang inagihan sa pagserbisyo sa publiko. Ginbun-ag sadtong Hunyo 15, 1945, kilala sya sa iya kaalam kag maisog nga mga pahayag sa mga isyu sa pungsod. Nakaserbisyo sa tatlo ka sanga sang gobyerno sa Hudikatura, Ehikutibo kag Lehislatibo.
Kalakip sang iya nangin eskwelahan amo ang University of the Philippines, University of Michigan, Oxford University, Maryhill School of Theology, University of California, Harvard University, kag Cambridge University.
Si Santiago ginkilala bilang isa sa 100 Most Powerful Women in the World sadtong 1997 sang The Australian magazine. Sadtong 1988, gipadunggan sya bilang laureate sang Ramon Magsaysay Award for government service nga may citation “for bold and moral leadership in cleaning up a graft-ridden government agency.”
Nagpadalagan sya sadtong 1992 presidential elections apang ginlutos ni anay Defense secretary Fidel Ramos sa isa ka eleksyon nga gin-alegar may malapnagon nga pagdinayaay. Nangin popular ang pahayag ni Miriam nga “I won in the voting but lost in the counting.”
Nangin senador sya sadtong 1995 kag nangin author sang pinakamadamo nga kasuguan kag hagna sa maragtas sang Pilipinas.
Liwat sya nagpadalagan sa pagka-presidente sadtong 1998 presidential elections. Apang bangud sang malapnagon nga black propaganda batok sa iya nga sang ulihi napamatud-an nga wala naman sang kamatuuran, liwat nga nalutos si Miriam.
Sadtong 2012, sya ang pinakauna nga Filipina kag Asian nga napilian gikan sa imol nga pungsod nga mangin huwes sa International Court of Justice apang wala niya ginpadayun bangud sang iya ginabatyag nga chronic fatigue syndrome.
Nagdesisyon sya nga magpadalagan liwat sa pagka-presidente sa nakaligad nga 2016 elections matapos gindeklarar sya sang iya mga doctor gikan sa Amerika nga cleared na sa iya sakit nga lung cancer. Apang natalupangdan sa ti-on sang presidential debates nga mahina na ang iya panglawason kag bisan ang iya pagsabat sa mga palamangkutanon sa debate.
Kun ubuson sulat ang iya mga kadalag-an kag edukasyon, isa na ini ka libro.
Sa mga hearing, session kag ilabi na sa duha ka mga impeachment hearings sa Senado, nakita ang kinaalam ni Miriam sa kasuguan. Saulado niya ang rules of court kag sa tagsa ka paghambal,nabase sa libro ang punto.
Sya lang ang senador nga nakita ko nga nagpakita sang mabakod nga panindugan sa isyu sang kurapsyon kag ginpakita niya sa iya akto. Wala sya nahadlok magsungay bisan pa abyan nya kag sin-o pa nga mataas nga opisyal sang gobyerno basta isyu sang korapsyun ang hambalan.
Indi ko malipatan kun paano nya ginlampaso sa iya privilege speech sa Senado si Sen. Juan Ponce Enrile nga iya man lang maninoy sa kasal samtang naga-atubang ini. Sang gintulok sya sang maninoy, gintulok ya ini sang mata sa mata tubtob nga si Enrile na ang nag-give way sa ila tulokay. Ini nagapakita kun ano kaisog ang dungan ni Miriam.
Ang iya kaisog mas nangin maduagon bangud sang iya tuhay nga wit kag humor. Ang iya mga pickup lines nagsikat na antes pa man nabun-ag ang mga hugot lines sang kabataan. Ini nga mga pickup lines napagkit sa mga libro nga Stupid is Forever kag Stupid is Forevermore.
Indi man sya perpekto pero para sa mga Ilonggo sya ang nagpakumpleto sang kontribusyon sang Iloilo sa maragtas sang Politika, Edukasyon, Kasuguan, kag madamo pa.
Paalam, Inday Miriam!/PN
[/av_textblock]
[/av_one_full]
