[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Assuming lang ang peg?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Tuesday, June 6, 2017
[/av_textblock]
[av_textblock size=” font_color=” color=”]
SA MGA hitabu subong sa pungsod, kaayuhan man ukon kalainan, Facebook, Twitter kag Instagram ang ginakuhaan sang impormasyon sang kadam-an.
Kun sang una radyo, TV kag pamantalaan ang nagapanguna nga nagabantala sang balita, subong una pa nagalupok ang balita sa social media. Tanan nangin mamantala na. Kun sa Ingles pa, social media journalist na ang mga tawo subong.
Kun sang una ang media ginaakusahan sang pagpangguba sa isa ka tawo, subong mas makatalagam ang social media. Kun ang mainstream nga media mapasabat mo sa ila pag-abuso sa ila kahilwayan nga magpahayag, paano mo naman lagson ang social media? Ok lang kun lehitimo ang nagapanag-iya sang account pero paano na lang kun pseudo-account ang makaatake sa imo?
Sa natabu nga pagsalakay sang Maute group sa Marawi City kag ang Resorts World Manila attack, sa pagkadamo sang mga haum-haum. Madamo ang naga-assume. Naglala pa ang sitwasyon sang nagdeklarar sang martial law si President Rodrigo Duterte nga nagpamahog nga pasangkaron pa ini sa Visayas kag Luzon kun makalambot ang terorismo sa sini nga mga rehiyon.
Kun nagapahayag sang ila mga opinion ang mga politico administrasyon man ukon oposisyon, mas maasab pa ang mga social media users. Kun makaakusar kag maka-assume sila sa issue lunsay mangin-alamon. Nagdamo ang mga sociologists, political analysts, terror experts, security analysts kag may iban gid nga hayag ang kamanguan kag kabaghakan.
Sa natabu naman sa Resorts World Manila madamo ang nagsiling nga akto sang terorismo ang natabu. Ang iban nagsiling nga kahimuan sang oposisyon agud gub-on ang konsentrasyon sang gobyerno sa Marawi. May nagsiling man nga planado na sang administrasyon.
Bangud sini nga mga haum-haom sang mga netizens, nagagarot na lang ang imbestigasyon sang kapulisan. Indi makabulig ang mga pag-akusar, pag-assume, pag-conclude kag pasibangod. Sa baylo nga mapadasig ang pagresolbar sang problema, mas na-delay pa gid tapat bangud kun sa pagkaon pa, madamo ang nagatusmog nagpan-os na lang nga wala pa naserbe sa bisita.
Sa pagka-assuming gid sang mga Filipino. Madasig maghatag sang konklusyon. Bisan sa gugma, assuming man. Bisan wala pa, abi ya in love na sa iya ang isa ka tawo.
Kun wala ka man lang sang maayo nga ihambal, kiputa na lang ang imo baba. Sa mangin solusyon ka na lang sa baylo nga mangin problema. Wag ka nang mag-assume, ‘Te! (jfranco1975@yahoo.com/PN)
[/av_textblock]
[/av_one_full]
