[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! | Basulay na lang kita?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Thursday, June 22, 2017
[/av_textblock]
[av_textblock size=” font_color=” color=”]
“ANG KALINONG kag katawhay sang komunidad, katungdanan sang tanan.”
Pila na bala ka mga insidente sang pagsalakay sang mga kaaway sa mga pasildiad sang gobyerno nga masami lang ginabasol sa “failure of intelligence”?
Ang pinakadako amo ang pagsalakay sang Maute group sa Marawi City sadtong Mayo 23 nga asta subong wala pa natapos sang gobyerno. Sa kadamuon sang Maute group nga nagsulod sa syudad ngaa wala gid bala napunggan? Sabat nila “failure of intelligence” sa gihapon.
Sadtong Dominggo, pasado alas 10:00 sang aga, ginsalakay man sang ginabanta 60 ka katapo sang CPP-NPA (Communist Party of the Philippines – New People’s Army) ang police station sang Maasin. Apat lang ka pulis ang ara sa sulod nga lunsay naposasan sang mga nagsulod nga katapo sang rebelde nga nagpakilala nga residente kag magapa-blotter kuntani. Pero antes sina, may naglinapta na nga NPA sa palibot sang poblacion.
Sa interview sang local media, gin-ako sang mga residente nga nakita nila ang mga NPA nga naglinapta sa palibot sang police station. Madamo man ang sakay sang elf truck. Ang pamangkot: Ngaa wala gid namutikan ini sang Maasin PNP? Ngaa wala gid nakapanugid ang mga residente sa kapulisan? Ano ang kabangdanan? Kahadlok sa NPA ukon wala sila simpatiya sa otoridad?
Sa sini nga hitabu, mabasol kita sa kapulisan nga palpak ang ila intelligence. Pero ikaw nga nagakumento, nakahibalo ka bala nga ikaw kabahin man sang intelligence community sang gobyerno? Ti, ano ang amo ginhimo? Nakabulig ka bala pahibalo sa atun mga otoridad? Naghipos ka lang, indi bala?
Syempre indi man naton mabasol ang komunidad kun kulang ang ila pagsalig sa kapulisan. Ini bangud sang mga masakit man nga inagihan kag wala pa lubos natinluan nga imahen sang pulis.
Ini nga hitabu indi ti-on sang pagbasulay. Ti-on ini sang pagmuni-muni kun ano gid bala ang aton papel nga dapat tungdan sa sosyodad. Ikaw bala nangin responsible nga pumuluyo sa imo komunidad? Ukon ikaw nangin patumbaya sa imo papel nga mangin mabinantayon sa imo palibot?
Ikaw, ako, kita tanan may responsibilidad sa pag-amlig sa aton palibot. Indi lang pag-isalig sa gobyerno ang aton kaluwasan. Ikaw ang labaw nga makapasigurado sang imo kaluwasan sa mga criminal.
Sa baylo nga magpamasol ka sa aton otortidad pamangkuta ang imo kaugalingon kun may binuligan ka man bala sa imo gobyerno?
Dulogan na ang pagpamasol. Mangin kabahin ka sang kalinong, indi nga mangin palas-anon. (jfranco1975@yahoo.com/PN)
[/av_textblock]
[/av_one_full]
