[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Ginsakripisyo nga karnero’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Saturday, April 8, 2017
[/av_textblock]
[av_textblock size=” font_color=” color=”]
WALA KO man nakilala sang tul-id si anay Department of Interior and Local Government secretary (DILG) Ismael “Mike” Sueno apang nagasimpatiya ako sa iya dinangatan sa administrasyon ni President Rodrigo Duterte.
Nabiktima sya sang hinampang sang poder sa karon nga pamunuan. Nagadugo ang akun tagipusoon para sa Ilonggo nga may integridad apang wala gani ginpamati-an ang iya bahin sa akusasyon antes ginkakas sa pwesto.
Ngaa bala kaabtik magbalat sibuyas ang Duterte administration? Kaangay sang dinangatan ni National Irrigation Administration (NIA) administrator Peter Laviña nga gin-akusahan man sang korapsyon, ginkakas dayun ni Duterte. Pero ngaa si Cesar Montano nga may mga dokumento pa nga naggwa kag maathag ang korapsyon, wala ginkakas sa pwesto ni Duterte? Nagapili sya bala kun sin-o ang igoon sang iya wasay sa isyu sang korapsyon?
Maathag nga luyag lang ni Duterte nga mapakita ang iya sensiridad sa pagtapna sang korapsyon sa gobyerno. Amo ina nga sa gamay lang nga sugilanon sang anomaliya sa iya mga Cabinet members, ginakakas niya dayun. Luyag niya magpinta sang impression nga wala sang amigo sa iya kun nakasala ka. Pero nahatagan bala sang nagakadapat nga proseso ang mga ginareklamo? Ukon hungod sila nga ginasakripisyo agud makabangon ang nagaamat-amat nubo nga popularidad kag pagsalig sang mga Filipino kay Duterte?
Nagsiling si Duterte nga sa Lunes madamo pa ang makakas sa pwesto bangud sang isyu sa anomaliya. Manami man ini apang kun ang pagkakas sa ila may motibo nga tuhay, daw makatalagam man.
Balikan naton ang kaso ni Sueno. Si Sueno Ilonggo kag nagserbe nga gobernador sa South Cotabato sa Mindanao.Nangin matarong ang pagginahom sa iya nasakupan.
Subong nangin sacrificial lamb sya para sa interes sang Duterte administration. Ang matuod sina, possible panugod na ini nga makapungko sa poder ang mga Marcoses bangud ginapasuni nga si defeated vice presidential candidate kag anay senador Ferdinand Marcos Jr. ang magapungko bilang DILG secretary sa ti-on nga matapos ang one-year election ban sa mga nagkandidato sang nakaligad nga 2016 elections. Posible nga ginahawanan na ang carpet entrance para sa anak sang diktador nga ginayauban ni Duterte.
Nagapati kita sa integridad ni Duterte pero questionable ang tawo nga ara sa iya palibot. Kun tan-awon halos mga recycled man lang ang mga tawo niya subong. Husto ayhan nga impormasyon ang ginatunghol nila kay Duterte ukon ang impormasyon lamang para sa ila kapuslanan amo ang ila ginaduhol?
Kun madumduman ninyo, si anay Department of Foreign Affairs (DFA) secretary Pefecto Yasay, mas nauna pa nga nagbiya sa Gabinite. Ini bangud matapos wala na-confirm sang Commission on Appointments, wala na sya gin-reappoint ni Duterte. Maathag man nga ginpangtapal lang sa buho ini nga mga tawo. Ang DFA portfolio ginahanda man kuno kay defeated vice presidential candidate kag karon senador Alan Peter Cayetano.
Ginakabalak-an naton basi masunod nga makakas si Department of Agriculture (DA) secretary Emmanuel Piñol naman. Ini sya nga daan isa man ka Ilonggo puro-puro.
Santo sa sini nga sitwasyon, wala man sang kinalis ang Duterte administration sa nagliligad nga pamunuan. Ini liderato man sang pagtimalos. Vindictive kuno siling sang mga observant nga tawo.
Ang mas makatalagam sini kun base ang masunod nga zipiran amo ang baba sang mga katapo sang media. Sa pihak sang may mga media nga abusado sa ila prebelihiyo nga makapahayag, kinahanglan naton sa gihapon ang hilway nga media. Subong kay maisog ang media magbuyagyag sang ila nakita nga indi matarong, dapat kita magpasalamat. Ini bangud nga kun puros na lang pagdayaw sang gobyerno ang inyo mabasahan kag mabati-an, magsugod ka na nga makulbaan. Mas maayo na lang nga may kritikal nga media sang sa mahipos ang media.
Kabay pa nga wala sang mangin sacrificial lamb sa hanay sang media./PN
[/av_textblock]
[/av_one_full]
