[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Hambog nga mga Alo’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Tuesday, May 9, 2017
[/av_textblock]
[av_textblock size=” font_color=” color=”]
SINING bag-o lang nga paggwa sang resulta sang Bar examination, madamo ang nakibot. Mas labi nga nakibot ang taga-Metro Manila. Ini bangud bisan isa sa mga kilala nga law schools sa Metro Manila wala sang nakasulod sa Top 10.
Ang Top 10 ginabug-usan sang mga examinees gikan sa sa proibinsya. (Bugal sang Iloilo nga may ara kita sa Top 4 gikan sa University of San Agustin nga si Atty. Allana Mae A. Babayen-on, 88.7500). Sin-o bala ang maglaum nga taga-University of San Carlos (USC) sa Cebu ang magpanguna sa 2016 Bar exams?
Sa makapila na ka beses may mga topnotchers gikan sa USC sa Cebu gani indi na ini makatilingala. Ang makakilibot lang kay wala sang Metro Manila schools nga nakasulod sa Top 10.
Matapos naggwa ang resulta, nag-viral sa social media ang mga posts nga naga-question sang resulta. Kesyo taga-Mindanao ang President ukon probinsyano, ginpadihutan nga mag-top ang tagaprobinsya. May ara pa nga nagsiling nga nagnubo na ang kalidad sang abogado bangud sang naggwa nga resulta. Ang iban nagsiling nga may leakage ukon hungod nga ginpanubo ang passing agud rate mag-top ang tagaprobinsya.
Ini nga mga tinaga nagapakita sang pagkahambog sang sining mga taga-Mega Manila. Ginapakita nila matuod ang ila pagkamatinaas-taason kontra sa mga tagaprobinsya. Indi ko mahangpan ngaa manubo ang panan-awan sang tagasyudad sa tagauma. Sa matuod lang indi lamang ini matuod sa taga-Metro Manila kundi bisan ang simple nga tagasyudad may diskriminasyon nga ginapakita sa mga tagauma.
Kun Bisaya ka sa Manila, ginakadlawan ang tono sang pag-Tagalog. Ginainsulto bisan ang pagpamiste. Kun babaye ginatawag nga Inday nga amo ang termino para sa mga sulugoon.
Dapat mahangpan sang mga bugalon kag hambog nga taga-Metro Manila nga ang tagauma nga halos indi makailis kag kaladlawan ang tono sang paghambal amo ang nagapakaon sa ila. Ang ila ginapakanubo nga tagaprobinsya amo ang nagatanom sang humay kag utan agud may kaunon sila nga mga hambog nga tagasyudad.
Hinambog nga hambalon nga manubo ang kalidad sang abogado sa probinsya. Sa pagkamautod kun ibutang sa court hearings indi makasarang ang iban nga Metro Manila lawyers sa tagaprobinsya.
Lipas na ang panahon nga ginadominar sang tagasyudad ang tanan nga bagay. Ang masarangan sang tagasyudad subong masarangan man sang tagaprobinsya. Bangud sini indi matarong nga pakanubuon ang mga Bar toptnotchers nga gikan sa probinsya. Basi maathag lang nga nagnubo na ang kalidad sang edukasyon sa Metro Manila kag nagsylo na sa probinsya. Base matuod nga nagnubo na ang kalidad sang mga abogado nga graduate sa Manila gani nalutsan sila sang mga matutom kag mahugod nga mga probinsyano.
Dulugan na ninyo nga mga Alog ang pagkahambog. Batunon ang kamatuuran nga ang probinsya amo na ang matuod nga minahan sang kinaalam. (jfranco1975@yahoo.com/PN)
[/av_textblock]
[/av_one_full]
