[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’PAUTWAS! | Ileco 1, 2, 3 mga inutil’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=” color=”]
Thursday, May 18, 2017
[/av_textblock]
[av_textblock size=” font_color=” color=”]
HALOS adlaw adlaw na lang may brownout sa mga kabanwahanan nga sakop sang Ileco 2. Kun tawgan mo ang ila hotline indi man makontak.
Mapasensyahan naton ang mga pag-utod sang suplay sang kuryente bangud nga may maintenance activities sa ila bahin ukon sa power provider. Pero ining mga brownout nga nagatabu sa kagab-ihon ukon sa kaagahon indi gid mapatawad. Hamakon mo ina nga sa pila ka barangay sa mga kabanwahanan nagsaulog sila sang pista nga wala kuryente.
Iresponsaple nga klase power distributor. Iresponsable bangud indi niya mahatagan sang husto nga serbisyo ang mga konsumidor. Madasig manukot kag mag-utod apang mahina kag palpak ang serbisyo siling pa sang isa ka nagapugait nga konsumidor.
Matuod gid man ina nga mga hibubun-ot sang mga konsumidor. Patay sindi ang ila kuryente, ang resulta guba ang mga gamit. Kun pahambalon mo ang Ileco, wala sang basehan nga ini makaguba sa gamit.
Ay sa ka tunto. Abi tilawi nga imo gamit paandara kag patya-sindi ang kuryente kun ano matabu. Ok lang ina sa una nga hugada…pero kun masami na, tapos gid ang pinangabudlayan nga gamit sa balay.
Kun sa mga abanse nga pungsod kaangay sang Estados Unidos, kun may brownout gani kulbaan sila kay base may terror attack na. Ina bangud nga nagakatabu lamang ang brownout sa ila pungsod kun may kalamidad ukon akto sang terorismo.
Diri sa Pilipinas ordinaryo na lang ang brownout. Kaangay na lamang nga nagahibi ang adlaw kun indi magbrownout. Pagpakita nga ang tawo halos naanad na lang sa pagkainutil sang mga power distributors.
Indi lang ini solo nga nagakatabo sa Ileco 2. Kaangay man nga reklamo ang ginasinggitan sang mga konsumidor sang Ileco 1 kag 3. Pagpakita nga palpak, inutil, wala kunsensya ang Ileco.
Ang taga-probinsya sang Guimaras nagawangal man sa pagkainutil sang Guimelco. Simple nga sab-it sang tuko sa linya blackout dayun. Gani kada magbrownout tuko na ang ginabasol.
Ngaa bala nga nagaantos kita sang “mediocre” nga serbisyo sang mga electric cooperatives? Ngaa bala halos wala na sang kinamatarong ang mga konsumidor nga magreklamo? Kun magreklamo ka halos man mahatagan sang solusyon.
Ano abi kay may monopoliya ang pagsuplay sang kuryente bisan diin lang nga bahin sang pungsod. Kun nagaplastar na ang isa ka power distributor, for life na ang ila kontrata bisan pa nga gina-renew man ang ila franchise. Maathag nga may monopoly. Ugaling ang masiling ta bala nga legal monopoly.
San-o pa ayhan makaangkon sang estable nga suplay sang kuryente ang mga nasakupan sang Ileco? Syempre masiling ang mga management sini nga mga kooperatiba, wala sang problema ang ila serbisyo. Pero dapat hangpon sang mga natungdan nga ang ginapangayo manlang sang mga konsumidor amo ang estable nga kuryente. Kun may brownout man inang indi man halos adlaw adlaw.
Kuntani makuha man sang mga konsumidor ang balor sang ila ginabayad nga kwarta sa serbisyo sang Ileco. (jfranco1975@yahoo.com/PN)
[/av_textblock]
[/av_one_full]
