[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! | Kampanya sa ilegal nga droga san-o matapos?’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
NI JOEL FRANCO
[/av_heading]
[av_textblock size=” font_color=” color=”]
Sunday, June 11, 2017
[/av_textblock]
[av_textblock size=” font_color=” color=”]
HUNYO 2016 sang nagpungko sa palangakuan si President Rodrigo Duterte, hinali nagtaas ang numero sang mga nadakpan sa kaso angut sa ilegal nga droga. Diri sa syudad sang Iloilo masobra man sa duha ka libo ang ginalegar naulamid sa ilegal nga droga.
Sang nagpungko na si Duterte sa pwesto, mas ginpasangkad pa ang operasyon kontra ilegal nga droga. Ginaalegar sang mga human rights groups nga nagtaas man ang nagkalamatay angut diri. Asta nga naglambot na ang isyu sa igtalupangod sang international community.
Diri sa Iloilo may mga nagkalamatay man nga ginaalegar ara sa ilegal nga droga. Prominente syempre ang kamatayun sang mag-asawa nga Melvin kag Meriam Odicta nga ginpatay sa Caticlan Jetty Port sadtong Agosto 2016. Ang kamatayun sang duha nagtuga sang katagam sa mga durogista. Pamatuod dira nga si Richard Prevendido nga ginatudlo sang Philippine Drug Enforcement Agency (PDEA) grabe na ang panago bangud may patong na nga P1.050 million.
Malapit na lang mag-isa ka tuig ang Duterte Administration pero sa gihapon ang droga madata sa gihapon. Indi man nga nagabasol kita sa gobyerno, pero ngaa amo gid sini kalala ang problema sa ilegal nga droga? Winning bala ang Duterte administration sa away kontra illgal nga droga?
Kun ginabasol naton ang nakaligad nga administrasyon sa paglala sang ilegal nga droga, ngaa madamo man ang mga kaalyado sang nakaligad nga ara naman nagaserbisyo sa Duterte government? Kaangay nga recycled man lang sila. Kun amo na ang sitwasyon, indi ayhan makapamangkot kita sang katinlo sang ila integridad? Wala man nagakatingala si Duterte ngaa nga daw high-bloodon na sya ugtas apang ang droga ara gihapon?
Anom lang ka bulan ang gintalana ni Duterte nga solbaron ang problema sa ilegal nga droga. Halin sa umpisa, nagapati kita nga imposible ini nga matapos. Ang problema sa ilegal nga droga, masangkad kag indi basta-basta nga awayon. Indi mapakot kun san-o matapos ukon bala matapos gid man ang problema.
Hulyo magasaysay naman ang presidente sang iya State of the Nation Address sa ikaduha nga kahigayunan. Ano ayhan ang iya ireport?
Maathag nga madata sa gihapon ang operasyon sang mga dorogista. Kun naglaka man ang dakpanay, ina bangud nag-alam na ang mga balingag kun paano maghimo sang pagbaligya.
Diin ayhan padulong ang Duterte war on drugs? Husto ayhan ang stratihiya nga iya ginagamit?
Kita nga ordinary nga tawo nga indi man diri expert, wala sang kinamatarong nga maghimo sang conclusion. Mahulat na lang kita bala kun ano ang malista sa maragtas sang pungsod kun away sa ilegal nga droga ang hambalan? Diin kita padulong?
Mangin drug-free kita ukon makuntento na lang kita nga magkabuhi nga ara man ang ilegal nga droga sa komunidad?
Makigbahin kita. Magbulig. Indi lang magkumentar. (jfranco1975@yahoo.com/PN)
[/av_textblock]
[/av_one_full]
