[av_one_full first min_height=” vertical_alignment=” space=” custom_margin=” margin=’0px’ padding=’0px’ border=” border_color=” radius=’0px’ background_color=” src=” background_position=’top left’ background_repeat=’no-repeat’ animation=”]
[av_heading heading=’ PAUTWAS! Kulang sa desiplina, usik lang sang kwarta’ tag=’h3′ style=’blockquote modern-quote’ size=” subheading_active=’subheading_below’ subheading_size=’15’ padding=’10’ color=” custom_font=”]
BY JOEL FRANCO
[/av_heading]
[av_textblock size=” font_color=’custom’ color=”]
Friday, April 7, 2017
[/av_textblock]
[av_textblock size=” font_color=” color=”]
KULANG gid bala sa desiplina ang iban nga mga Ilonggo?
Ini ang palamangkutanon nagtuhaw sa akun paminsaron sang nakalabay ako sa mga pedestrian crossings kung sa diin nagapedestrian lights na apang may nagabantay pa gid nga empliyado sang city hall. Ini nga mga empliyado kabahin sang task force nga nagabantay sa mga tawo agud indi maglapas sang anti-jaywalking ordinance.
Ngaa bala kinahanglan pa nga bantayan kita agud indi maglapas sang anti-jaywalking ordinance? Mabudlay gid bala tumanon ang ordinansa nga nagasiling nga magtabok lang sa husto nga talabukan?
Gusto naton pirme lang mahapos ang aton kabuhi, apang ang mga simple nga kasuguan nga kun matuman sang husto mangin elemento sang matawhay nga pagsinalayo aton man ginalapas. Ngaa dapat pa kita tudluan sang husto nga talabukan kay tultulan man naton ini?
Madata man ang violation sa loading kag unloading sang mga pasahero. Masami nagakawat-kawat ang driver sa pagpapanaog ukon pasaka sang ila pasahero. Bangud sini bisan diin lang masinggit ang pasahero nga “sa lugar lang” kag kun indi mapapanaog kay may nagabatay nga traffic aide, gilayun magkumod-kumod.
Kun ang mga drivers nagasunod sa husto nga pasakaan kag papanaugan sang pasahero sa tanan nga tion may nagabantay man nga traffic aide ukon wala, indi na kita kuntani magproblema sa ginual sa aton dalan. Salawayun gid kita tanan.
Problema man karon ang mga kabataan nga nagaliho-liho sa dalan bisan sa disoras sang kagab-ihon. Maathag nga paglapas sang curfew for minors ordinance. Sa pihak sang masangkad nga kampanya kag pagbantay, madamo sa gihapon sang mga kabataan nga nagaliho-liho kun gab-e. Wala sang kahadlok nga madakpan…pero kun madakpan na gani nagareklamo man.
Base sa sini nga mga sitwasyon, matalupangdan nga wala sang katahap ang mga tawo nga maglapas sini. Bisan pa nga may posibilidad nga madakpan sila bangud may hugot nga mando ang alkalde sang syudad.
Simple lang kuntani nga desiplina ang kinahanglan ta…kay sa pagkabalingag naton, gausik ang syudad sang kwarta. (jfranco1975@yahoo.com/PN)
[/av_textblock]
[/av_one_full]
